ته‌قینه‌وه‌یه‌ك روویدا و 5 كه‌س گیانیان لەدەستدا

هەواڵ / کوردستان :: 24/09/2019‌ :: 621‌ جار بینراوە

دواڕۆژ، بورهان یه‌حیا

(ئه‌مڕۆ سێشه‌ممه‌ 24ی ئه‌یلولی 2019) له‌ ناحیه‌ى جه‌ندرێس له‌ عه‌فرینى رۆژئاواى كوردستان ئۆتۆمبێلێكى بۆمبڕێژكراو ته‌قییه‌وه‌ و 18 كه‌س بوونه‌ قوربانى.


مستەفا شێخۆ، ئه‌ندامى رێكخراوى مافى مرۆڤ له‌ عه‌فرین  به‌ دواڕۆژ وتى: "پاشنیوه‌ڕۆی ئه‌مڕۆ له‌ ناحیه‌ى جه‌ندرێس له‌ عه‌فرین ئۆتۆمبێلێكى بۆمبڕێژكراو له‌ شه‌قامی یالانقۆز له‌ نزیك نه‌خۆشخانه‌ى منداڵبوونى به‌هار ته‌قییه‌وه‌ و بووه‌ هۆى گیان لەدەستدانی پێنج كه‌س و برینداربوونى 13 كه‌س كه‌ منداڵ و ژنیشیان تیادایه‌".

وتیشى: "ئه‌وانه‌ى برینیان سه‌خت بوو گواستراونه‌ته‌وه‌ بۆ توركیا و ناسنامه‌ى یه‌كێك له‌ كوژراوه‌كان ئاشكرا بووه‌ كه‌ ناوى (ئیدریس سلێمان عومه‌ر) بووه‌ كه‌ ناسراوه‌ به‌ حه‌سى زار له‌ شارۆچكه‌ى بافللۆر".

دواى داگیركردنى عه‌فرین له‌ لایه‌ن سوپاى توركیا و میلیشیا عه‌ره‌به‌كان، به‌ به‌رده‌وامیى ته‌قینه‌وه‌ى ئۆتۆمبێل یان ماتۆرسكێل‌ له‌ شاره‌كه‌ ئه‌نجام ده‌درێت.

پێداچوونه‌وه‌: ئیحسانی مه‌لا فوئاد

بڵاوکردنەوە: چ.ع



created by Avesta Group and powered by Microsoft Azure