هەڵمەتی كوتان دژی نەخۆشی ئیفلیجی منداڵان دەستپێدەكات

هەواڵ / کوردستانی :: 22/09/2019‌ :: 197‌ جار بینراوە

دواڕۆژ، پشتیوان جەمال

وا بڕیارە هەفتەی داهاتوو هەڵمەتی نیشتمانی كوتان دژی نەخۆشی ئیفلیجی منداڵان دەستپێبكات و پێنج رۆژ بخایەنێت، کوتانەکەش منداڵانی خوار تەمەن پێنج ساڵ دەگرێتەوە.


د. یاد نەقشبەندی، وتەبێژی بەڕێوەبەرایەتی گشتی تەندروستی سلێمانی (ئەمڕۆ یەکشەممە 22ی ئەیلولی 2019) بە دواڕۆژی راگەیاند: رۆژی 29ی ئەیلول هەڵمەتی نیشتمانی كوتان دژی نەخۆشی ئیفلیجی منداڵان دەستپێدەكات و پێنج رۆژ بەردەوام دەبێت، هەڵمەتەكە ئەو منداڵانە دەگرێتەوە كە لە تەمەنی خوار پێنج ساڵن، ئەگەر چەند جاریش كوتانیان بۆ كرابێت یان سەرە كوتانیشی بێت.

روونیشیكردەوە: لەو هەڵمەتەدا 252 هەزار و 828 منداڵ دەكوترێن، پڕۆسەكە لەڕێگەی 658 تیم و 129 سەرپەرشتیار ئەنجامدەدرێت و تەنها دوو دڵۆپ لە ڤاكسین بە منداڵان دەدرێت. 

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure