تورکیا بەنیازە هێرشێکى تاکلایانە بکاتە سەر کوردانى خۆرئاوا

هەواڵ / جیهان :: پێش 4 هەفتە ‌ :: 248‌ جار بینراوە

دواڕۆژ

بە فەرمانى رەجەب تەیب ئەردۆغان، سەرۆکى توکیا ژمارەیەک پزیشک لە 19 پارێزگا دەنێردرێنە سنووری پارێزگاى ئورفا و ماردین، وەک ئامادەباشییەک بۆ هێرشێکى تاکلایانەی تورکیا کە بە نیازە بکرێتە سەر کوردانى خۆرئاوا لە ناوچەی ئارام لەسوریا.


لەو بارەیەوە عوسمان ئۆزترک، بەڕێوەبەرى گشتى ژوورى پزیشکى لە ئیستانبوڵ ئاشکرایکرد: کە بە بڕیارى وەزارەتى تەندروستى تورکیا تائێستا نزیکەى 94 پزیشک لە 19 پارێزگاوە نێردراون بۆ پارێزگاى ئورفا و ماردین، پێویستە یەک مانگ بمێننەوە تا 20ی تشرینى یەکەمى داهاتوو.

ناوبراو ئەوەشى خستووەتەڕوو: کە ئەو پزیشکانە پێویستە لەسەریان لەکاتى هەر ئۆپراسیۆنێکى سەربازى چارسەرى بریندارەکان بکەن و بەکارى خۆیان هەستن.

وە: ئاکۆ زەنگەنە
پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە