فلمێ كوردى (تۆرن) خۆ ژ به‌ربژێڕییا خه‌لاتێ ئۆسكار ڤه‌كێشا

هەواڵ / که‌لتور :: پێش 4 هەفتە ‌ :: 115‌ جار بینراوە

دواڕۆژ، بورهان یه‌حیا 
پشتى فلمێ (تۆرن) یێ ده‌رهێنه‌رێ كوردێ ئێزدى وه‌كو كاره‌كێ مرۆڤایه‌تى خۆ ژ به‌ریكانه‌یا به‌ربژێڕییا خه‌لاتێ ئۆسكار ڤه‌كێشای، فلمێ ئیراقى (موسل 980) ب نوونه‌راتییا ئیراقێ دێ به‌شدارى به‌ریكانه‌یا خه‌لاتێ ئۆسكار یا جیهانى كه‌ت.

نه‌وزاد شێخانى ده‌رهێنه‌رێ كوردێ ئێزدى یێ فلمێ تۆرن كو چه‌ندین خه‌لاتێن جیهانى ب ده‌ستخۆڤه‌ ئیناینه‌ بۆ دواڕۆژ دیاركر" هه‌ر دوو فلمێن تۆرن و مووسل 980 ژلایێ وه‌زاره‌تا ره‌وشه‌نبیرى و هونه‌رى یا ئیراقێ وه‌كوبه‌ربژێڕێن ئیراقێ بۆ خه‌لاتێ ئۆسكار یێ جیهانى هاتبوونه‌ به‌ربژێڕكرن لێ دووڤدا رێكخه‌رێن فه‌ستیڤالێ بڕیار دایه‌ كو دڤێت ئێك فلم بتنێ به‌شدار بیت له‌وا وه‌كو كاره‌كێ مرۆڤایه‌تى و بۆ په‌یدابوونا ئێكرێزیێ مه‌ بڕیار دا كو خۆ ژ بڕیارا به‌ربژێڕیێ ڤه‌كێشین و فلمێ مووسل 980 ببیته‌ به‌ربژێڕێ ئیراقێ بۆ خه‌لاتێ ئۆسكار".

دیاركر" نامه‌یا ده‌رهێنه‌ر و هه‌موو سینه‌ماكاران مرۆڤایه‌تى و پێكڤه‌ ژیانه‌ له‌وا بێى چ مه‌رج و به‌نده‌كێ وه‌كو ستافێ فلمى مه‌ بڕیار دایه‌ كو خۆ ژ به‌ربژێڕیێ ڤه‌كێشین و ل ڤێره‌ سۆپاسییا وان هه‌موو لژنه‌یێن گرێدایى ب وه‌زاره‌تا ره‌وشه‌نبیرى و رێڤه‌به‌رییا سینه‌مایێ دكه‌ین كو ئه‌ڤ فلمه‌ ژ هه‌ژى خه‌لاتێ ئۆسكارێ دیتین لێ بۆ خۆرتبوونا پێكڤه‌ ژیانێ ئه‌ڤ بڕیاره‌ هاتییه‌دان".

دیاركر" ب ڤه‌كێشانا فلمێ تۆرن دێ فلمێ مووسل 980 بیته‌ به‌ربژێڕێ ئێكانه‌یێ سینه‌ما ئیراقى بۆ به‌ریكانه‌یا خه‌لاتێ ئۆسكار یێ جیهانى".
 پێداچونه‌وه‌:هـ.ق 



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە