ژمارەی کرێنشینان رووی لەزیادبوونە

هەواڵ / ئابوری :: پێش 4 هەفتە ‌ :: 348‌ جار بینراوە

دواڕۆژ، سەنگین خۆشناو

بەپێی ئامار و رووماڵی کۆمەڵەی کرێنشینانی کوردستان تادێت ژمارەی کرێنشینان زۆرتر دەبێت، سەرۆکی کۆمەڵەکەش دەڵێت: "رۆژانە زیاد لە 5 خێزان پەیوەندی دەکەن بۆئەوەی ناویان تۆماربکەین".

بەپێی ئامارەکانی کۆمەڵەی کرێنشینانی کوردستان ژمارەی ئەو کرێنشینانەی خۆیان تۆمارکردووە نزیکەی 90 هەزار کرێنشینە کە تەنیا لە هەولێر و دەوروبەری 40 هەزار کرێنشنین هەیە.

مەحمود یاسین، سەرۆکی لقی هەولێری کۆمەڵەی کرێنشینانی کوردستان، بەدواڕۆژی راگەیاند: بە بەراورد بە ساڵی رابوردوو ژمارەی کرێنشینان زیادیکردووە و ئەم زیادبوونەش بەردەوامە، بەجۆرێک ساڵی رابوردوو نزیکەی 70 هەزار کرێنشین خۆیان لای ئێمە تۆمارکردبوو، بەڵام ئەمساڵ رێژەکە نزیکەی 90 هەزار کرێنشینە و رۆژانەش 5 خانەوادە پەیوەندیمان پێوەدەکەن بۆ خۆتۆمارکردن.

لەبارەی جۆری خانەوادە کرێنشینەکان، مەحمود یاسین دەڵیت: "زۆربەی کرێنشینان کەسانی هەژارن کە نە فەرمانبەر نە مووچەخۆری کەرتی گشتین بەڵکو کاسبکار و خەڵکی کەمدەرامەتن".

بەپێی وتەی وەزیری ئاوەدانکرنەوە و نیشتەجێکردن، لە سێ مانگی داهاتوودا پرۆژەیەکی یەکەی نیشتەجێبوون لە هەولێر تەواودەبێت کە داتایان لەو کۆمەڵەیە وەرگرتووە بۆ ناونووسکردنی کرێنشینان و سوود بینین لە پرۆژەکە.

پ: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure