بومەلەرزە لە شارێکى هەرێم روویدا

هەواڵ / کوردستان :: پێش 4 هەفتە ‌ :: 7287‌ جار بینراوە

تاگ :: بومەلەرزە

دواڕۆژ، عەلى حەمەسەعید

کەمێک پێش ئێستا بومەلەرزەیەک لە هەڵەبجە روویدا و لەلایەن هاووڵاتیانەوە هەستیپێکرا.

پەیامنێرمان پێى راگەیاندین: کاتژمێر 10:30ى (ئەمشەو سێشەممە 17ى ئەیلولى 2019) بومەلەرزەیەک روویدا بەجۆرێک لە هەڵەبجە و خوڕماڵ و بیارە لەلایەن هاووڵاتیانەوە هەستى پێکراوە.

بە گوێرەى راپۆرتە سەرەتاییەکان گوڕى بومەلەرزەکە 4.4 پلەى رێختەر بووە و سەرچاوەکەشى ناوچەى سەروئاباد بووە لە رۆژهەڵاتى کوردستان و لە مەریوان و چەند ناوچەیەکى تر هەستى پێکراوە، بەڵام نازانرێت زیانەکەى لەو بەشەى کوردستان چۆن بووە.

هەروەک بەپێى زانیارییە سەرەتاییەکان لە هەڵەبجە و دەوروبەرى هیچ زیانێکى بە هاووڵاتیان نەگەیاندووە، تەنها هەستى پێکراوە.

بەپێى توێژینەوەیەک روودانی بومەلەرزەیەکی گەورە لەشوێنێکدا دەبێتە هۆی چالاککردنەوەی بومەلەرزە لەلایەکی تری زەویدا.

بە پشتبەستن بە داتاکانی بومەلەرزە لە ساڵی 1973 بۆ 2016 توێژەرانی زانکۆی ویلایەتی ئۆریگۆن بۆیان دەرکەوت روودانی بومەلەرزەی بەهێز دەبێتە هۆی بومەلەرزە لە بەشێکی تری زەویدا ئەمەش دۆزینەوەیەکی گرنگە بۆ پێشبینیکردنی بومەلەرزە.

بەپێی توێژینەوەکە ئەگەر بومەلەرزەیەک بەهێزی 6.5 یان بەهێزتر لە ناوچەیەک بدات ئەوا بومەلەرزەیەکی تر بەهێزی 5 پلە لە لاکەی تری زەویدا روودەدات.

ئەوەی سەیرە زۆربەی ئەو بومەلەرزانەی پاش بومەلەرزەی یەکەم روودەدات بە دووری 30 پلە لەلای بەرامبەری لە گۆی زەویدا روودەدات.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە