سعودیە: ئێران هێرشەکانی سەر ئارامکۆی ئەنجامداوە

هەواڵ / ئابوری :: 17/09/2019‌ :: 210‌ جار بینراوە

تاگ :: ئابوری

دواڕۆژ

وەزارەتی وزەی سعودیە ئاشکرایکرد: بەهۆی ئەو هێرشەی کرابووە سەر کێڵگە نەوتییەکانی سعودیە، دوو کارگەی گەورەی کۆمپانیای ئارامکۆ زیانیان بەرکەوتووە کە یەکێکیان گەورەترین پاڵاوگەی نەوتی خاوە لە جیهاندا، ئەمەش بووەهۆی بەرزبوونەوەی نرخی نەوت لە بازاڕەکانی جیهاندا و هاوکات بەرهەمەکانی کۆمپانیای ئارامکۆش بە رێژەی 50% دابەزی.

لەوبارەیەوە وەزارەتی وزەی سعودیە لە بەیاننامەیەکدا رایگەیاند: ئەو هێرشەی لە لایەن ئێرانەوە کرابووە سەر کۆمپانیای ئارامکۆ هەڕەشەیەکە بۆ سەر ئاسایشی وڵاتێکی دیکە و مەبەست لەوکارەش بەئامانجکردنی جوڵەی بازاڕی وزەی جیهانییە، بۆیە داوا لە کۆمەڵگای نیودەڵەتی دەکەین کە ئیدانەی ئەو لایەنە بکەن کە دەستی هەبووە لەو هێرشە دوژمنکارەدا.

و: ئاکۆ زەنگەنە
پ: ک. س

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure