خه‌لاتێن فلمه‌ فه‌ستیڤالا دهۆك هاتنه‌ به‌لاڤكرن

هەواڵ / که‌لتور :: 17/09/2019‌ :: 119‌ جار بینراوە

دواڕۆژ، بورهان یه‌حیا

پشتى بۆ ده‌مێ هه‌شت رۆژان و ب به‌شدارییا 112 فلمان هه‌فته‌مین فه‌ستیڤالا دهۆك یا نێڤده‌وله‌تى ب دووماهى هاتى خه‌لات ل سه‌ر سه‌ركه‌ڤتییان هاتنه‌ به‌لاڤكرن.

لژنه‌یێن تایبه‌ت ب خه‌لاتێن فه‌ستیڤالێ هه‌لسه‌نگاندنێن خۆ ل سه‌ر فلمان ئه‌نجامدا و خه‌لاتێ رێزلێنانێ بۆ فلمێ كامیۆن هاته‌دان یێ ده‌رهێنه‌رێ كورد كامبۆزیا پارتۆڤى، خه‌لاتێ به‌لگێ زێرین بۆ باشترین كورته‌ فلێن كوردى بۆ فلمێ زه‌شیپه‌ر یێ ده‌رهێنه‌ر بروا وه‌هبپۆر هاته‌دان و خه‌لاتێ ژۆریا كورته‌ فلمێن كوردى بۆ فلمێ ڤه‌ هیڤى دبۆرن یێ ده‌رهێنه‌ر یلماز ئۆزدل هاته‌دان".

د به‌رده‌وامییا به‌لاڤكرنا خه‌لاتان" خه‌لاتێ به‌لگێ زێرین بۆ باشترین كورته‌ فلمێ بیانى بۆ فلمێ فاتیا یێ ده‌رهێنه‌ر ماریۆن دیسێگن رێڤل هاته‌دان، خه‌لاتێ باشترین به‌لگه‌ فلمێ كوردى بۆ فلمێ ئێڤرى هاوس سكۆل یێ ده‌رهێنه‌ر ئاردن دینه‌ر هاته‌دان، خه‌لاتێ باشترین به‌لگه‌ فلمێ بیانى  بۆ فلمێ سۆلۆ یێ ده‌رهێنه‌رێ به‌رازیلى دیێگۆ لیتى هاته‌دان و خه‌لاتێ باشترین به‌لگه‌ فلم یێ دناڤبه‌را فلمێن كوردى و بیانى دا  بۆ فلمێ كورنه‌ره‌د ئین مۆلمبێك یێ ده‌رهێنه‌رێ كورد سه‌هیم عومه‌ر خه‌لیفه‌ هاته‌دان".

هه‌فته‌مین فلمه‌ فه‌ستیڤالا دهۆك یا نێڤده‌وله‌تى ب به‌شه‌دارییا 120 هونه‌رمه‌ند و سینه‌ماكاران و 112 فلمان بۆ ده‌مێ هه‌شت رۆژان ل سه‌نته‌رێ باژێڕێ دهۆك یێ به‌رده‌وام بوو.

پێداچوونه‌وه‌:هـ.ق



  • ڕۆژ
  • هەفتە
  • مانگ
created by Avesta Group and powered by Microsoft Azure