دهۆك: شه‌ش وه‌لاتان به‌شدارى پێشانگه‌هه‌كا نێڤده‌وله‌تى كرن

هەواڵ / ئابوری :: پێش 4 هەفتە ‌ :: 100‌ جار بینراوە

دواڕۆژ، بورهان یه‌حیا‌ 

كۆمپانییه‌كا ئیراقى ب هه‌ڤكارى دگه‌ل ژۆرا بازرگانى و پیشه‌سازییا پارێزگه‌ها دهۆك ئێكه‌مین فه‌ستیڤال و پێشانگه‌ها بازاڕ و پیشه‌سازیێ ب به‌شدارییا 43 كۆمپانى ژ 6 وه‌لاتان ل دهۆك ڤه‌كر.


رێڤه‌به‌را كۆمپانییا (الصقر الذهبى) ئه‌زهار هادى ناجى (ئه‌ڤرۆ ئێكشه‌مب 15 ئه‌یلول 2019) بۆ دواڕۆژ دیاركر" ڤێ كۆمپانیێ ب هه‌ڤكارى دگه‌ل ژۆرا بازرگانى و پیشه‌سازییا پارێزگه‌ها دهۆك ئێكه‌مین فه‌ستیالا بازاڕ و پیشه‌سازى بۆ كه‌رسته‌یێن هه‌مه‌ره‌نگ و كه‌لوپه‌لێن خارنێ و ناڤمال ل دهۆك ڤه‌كرییه‌ كو 43 كۆمپانى ژ 6 وه‌لاتان (مسر، ئیراق، ئوزبه‌كستان، پاكستان، هند و سینگال) تێدا به‌شدارن".

دیاركر: "هه‌ر دوو وه‌زاره‌تێن پیشه‌سازى و په‌یوه‌ندییان یێن حوكمه‌تا ئیراقێ ژى تێدا به‌شدارن و ل ڤێره‌ كۆمپانیێن ناڤخۆ دشێن گرێبه‌ستێن بازرگانى دگه‌ل ڤان كۆمپانییان گرێده‌ن و په‌یوه‌ندیێن خۆ خۆرت بكه‌ن و مفایێن دوو لایه‌نى وه‌رگرن".

ئه‌زهار هادى گۆت: "ئه‌ڤ فه‌ستیڤاله‌ ل هۆلا پێشانگه‌هان ل ئالۆكا ل نێزیك سه‌نته‌رێ باژێڕێ دهۆك هاتییه‌ ڤه‌كرن و دێ بۆ ده‌مێ 10 رۆژان هه‌تا 25/9/2019ێ یا به‌رده‌وام بیت و وه‌لاتى ژى دشێن بۆ دابینكرنا پێدڤیێن خۆ قه‌ست بكه‌نێ هه‌ر ژ ده‌مژمێر 11 سپێدێ هه‌تا 8ێ ئێڤارى".

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure