نۆژدارێن ئه‌مریكی نیشته‌گه‌ریێن دلی بۆ نه‌خۆشان ئه‌نجامدده‌ن

هەواڵ / کوردستان :: پێش 4 هەفتە ‌ :: 172‌ جار بینراوە

دواڕۆژ، بورهان یه‌حیا


كۆمه‌كا نۆژدارێن ئه‌مریكی ژ رێكخراوا SAMS  دێ ب ده‌هان نیشته‌گه‌ریێن دلی بێ به‌رامبه‌ر ل پارێزگه‌ها دهۆك بۆ نه‌خۆشان ئه‌نجام ده‌ن و مه‌شق و راهێنانێ ژی دێ ب نۆژدار و كارمه‌ندێن ساخله‌میێ كه‌ن.

حه‌مزه‌ محه‌مه‌د عه‌لی به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك (ئه‌ڤرۆ ئێكشه‌مب 15 ئه‌یلول 2019) بۆ دواڕۆژ دیاركر" هه‌ر ژ سالا 2011ێ ئه‌ڤ گرۆپێ ئه‌مریكی ب به‌رنامه‌یه‌كێ دارشتی هه‌وێن جودا یێن خزمه‌تێن ساخله‌میێ بۆ ئاواره‌ و په‌نابه‌ران ل كه‌مپان ل چه‌ندین وه‌لاتان ئه‌نجام داینه‌ چونكو ژ گه‌فێن شه‌ڕی ره‌ڤینه‌ و ل شه‌ڤا بۆری 7 نیشته‌گه‌ریێن دلی هاتینه‌ ئه‌نجامدان و ئه‌ڤرۆ ژی دێ هه‌ژماره‌كا قه‌سته‌لێن دلی هێنه‌ ئه‌نجامدان و دێ بۆ ده‌مێ هه‌فتییه‌كێ ئه‌ڤ خزمه‌ته‌ بێ به‌رامبه‌ر یا به‌رده‌وام بیت".

دیاركر" ئه‌ڤ شانده‌ ژ 6 كه‌سان پێكدهێن و تایبه‌تێن ب نه‌خۆشیێن دلی و یێن زارۆیان و به‌شه‌ك ژ وان دێ ل كه‌مپان خزمه‌تێ كه‌ن و به‌شه‌كێ دی ل نه‌خۆشخانه‌یا هیڤی یا زارۆكان مه‌شق و راهێنانێ ب نۆژدار و ستافێ كاری ل وێرێ دكه‌ن و دگه‌ل هندێ ل نه‌خۆشخانه‌یا ژن و زارۆبوونێ ژی دێ ب كارێ مه‌شق و راهێنانێ رابن".

ل سنۆرێ پارێزگه‌ها دهۆك نێزیكی 20 كه‌مپ هه‌نه‌ و 600 هزار ئاواره‌ و په‌نابه‌ر ل ناڤ و ده‌رڤه‌ی ڤان كه‌مپان ئاكنجینه‌.

پ: ک. س

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure