بڕیارى دادگا لەبارەى بکوژانى تاریقى بەقاڵ دەرچوو

هەواڵ / کوردستان :: 12/09/2019‌ :: 7266‌ جار بینراوە

دواڕۆژ، پشتیوان جەمال

لە دانیشتنى ئەمڕۆدا لەلایەن دادگاى سلێمانیەوە بڕیارى لەسێدارەدان بۆ بکوژانى تاریقى بەقاڵ دەرچوو.


(ئەمڕۆ پێنجشه‌ممه‌ 12ى ئه‌یلولى 2019) دووەم دانیشتنی دادگاییكردنی بكوژانی تاریق رۆستەم لە دادگای سلێمانی بەڕێوەچوو.

لەمیانەى دانیشتنەکەدا دادگا بڕیاریدا بکوژران بە لەسێدارەدان هەتا مردن سزابدرێن.

حاجى مەلود فارس، خاڵى تاریق لە لێدوانێکدا بۆ دواڕۆژ وێڕاى پشتڕاستکردنەوەى بڕیارەکەى دادگا خۆشحاڵى و رەزامەندى کەسوکارى ئەو قوربانییەى لەبارەى بڕیارەکەوە نیشاندا و داواشیکرد بڕیارەکە جێبەجێبکرێت.

بەپێى زانیارییەکان لەمیانەى دانیشتنەکەدا یەکێک لە تۆمەتباران رەتیکردوەتەوە کە بەشدارى لە تاوانەکەدا کردبێت، بەڵام دوو تۆمەتبارەکەى دیکە دانیان بە تاوانەکەدا ناوە و ئەوەشیان دووپاتکردوەتەوە کە تۆمەتبارى سێیەمیش لەگەڵیاندا بەشداربووە.

دوو هەفتە لەمەوبەر یەكەم دانیشتنی دادگاییكردنی تۆمەتبارانی كوشتنى تاریق رۆستەم، ناسراو بە تاریقی بەقاڵ، ئه‌نجامدرا، بەڵام بەهۆی دروستبوونی قەرەباڵغی، دانیشتنەكە دواخرا.

رۆژی 7ی نیسانی 2019، ئاسایشی سلێمانی باندێكیان دەستگیركرد كە تۆمه‌تبار بوون بە رفاندن و كوشتنی هاووڵاتیان، یه‌كێك له‌ دیارتین قوربانیانى ده‌ستى بانه‌كه‌، تاریقی بەقاڵ بوو. 

داڕشتنەوە: شیروان شەریف



  • ڕۆژ
  • هەفتە
  • مانگ
created by Avesta Group and powered by Microsoft Azure