قه‌ره‌بوونه‌كرنا وه‌لاتییان رێك ل به‌لاڤكرنا پارچه‌یێن ئه‌ردی گرتییه‌

هەواڵ / کوردستان :: 4 رۆژ پێش ئێستا‌ :: 115‌ جار بینراوە

دواڕۆژ، بورهان یه‌حیا


رێڤه‌به‌رییا گشتییا باژێڕڤانیێن پارێزگه‌ها دهۆك راگه‌هاند؛ قه‌ره‌بوونه‌كرنا وه‌لاتییان ل سه‌ر ئه‌ردێ چاندنێ رێك ل به‌لاڤكرنا پارچه‌یێن ئه‌ردی ل  سه‌ر پێشمه‌رگه‌ و فه‌رمانبه‌ران گرتییه‌.


ئه‌میر ئه‌ترووشی به‌رپرسێ راگه‌هاندنا رێڤه‌به‌رییا گشتییا باژێڕڤانیێن پارێزگه‌ها دهۆك بۆ دواڕۆژ دیاركر" ماوه‌یه‌كێ درێژه‌ بڕیارا پێدانا پارچه‌یێن ئه‌ردی بۆ پێشمه‌رگه‌ و فه‌رمانبه‌ران ل پترییا ده‌ڤه‌رداریێن پارێزگه‌هێ ده‌رچۆیه‌ لێ ژبه‌ر چه‌ندین كێشه‌یان هه‌تا نوكه‌ نه‌كه‌ڤتییه‌ بوارێ جێبه‌جێكرنێ و كێشه‌یا سه‌ره‌كی ژی قه‌ره‌بوونه‌كرنا وه‌لاتییان ل سه‌ر ئه‌ردێ چاندنێ بۆ نموونه‌ ده‌ڤه‌ردارییا ئامێدیێ".

دیاركر" لژنه‌یا باژێڕڤانی و خزمەتگوزاریێن گشتی ل جڤاتا پارێزگەها دهۆك دگەل رێڤەبەرییا گشتییا  باژێرڤانیان ل پارێزگه‌ها دهۆكێ به‌حس ل ڤێ كێشه‌یێ كرییه‌ كو هه‌ر ژ سالا 2012ێ بڕیارا پێدانا پارچه‌یێن ئه‌ردی بۆ پێشمه‌رگه‌ و فه‌رمانبه‌ران هاتییه‌دان لێ هه‌تا نوكه‌ جێبه‌جێ نه‌بوویه‌".

ئه‌میر ئه‌ترووشی خویاكر" جوداهی ناڤبه‌را به‌شه‌ك ژ پێشینەیێن باژێرڤانییان هه‌یه‌ و هنده‌ك باژێڕڤانی ژبه‌ر نه‌بوون و كێمییا ئامیران نه‌شێن ب دروستی ب ئه‌ركێن خۆ رابن".

پتری 11000 فه‌رمانبه‌ر و پێشمه‌رگه‌یێن پارێزگه‌ها دهۆك هه‌ر ژ سالا 2012ێ بڕیارا پێدانا پارچه‌یێن ئه‌ردی بۆ وان ده‌رچۆیه‌ لێ هه‌تا نوكه‌ ل سه‌ر نه‌هاتینه‌ به‌لاڤكرن.

 

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure