دواڕۆژ پێكهاتەی خانەی راپەڕاندنی داهاتووی گۆڕان ئاشكرا دەكات

هەواڵ / کوردستان :: پێش 1 هەفتە ‌ :: 237‌ جار بینراوە

دواڕۆژ، هۆگر كەمال

بڕیارە رۆژانی 12 و 14ی ئەم مانگە لەناو جڤاتەكانی گشتی و نیشتمانی هەڵبژاردن بۆ ئەندامانی خانەی راپەڕاندن و رێكخەری گشتی بكرێت، دواڕۆژ-یش پێكهاتەی پێشبینیکراوی داهاتووی خانەكە بڵاودەكاتەوە.

بەپێی زانیارییەکانی دواڕۆژ، هەریەك لە (عومەری سەید عەلی، عەدنان عوسمان، ئاسۆ ڕەحیم، كاوەی مامەعەبە، مونیرە عوسمان، جەلال جەوهەر، شۆڕش حاجی، كاردۆ محەمەد، برزو مەجید، دەرباز محەمەد، جەمال محەمەد) خۆیان بۆ پۆستەكانی خانەی راپەڕاندن كاندید دەكەن.

دواڕۆژ ئەوەشی زانیوە (عومەری سەید عەلی) یەكلایی بووەتەوە كە دەبێتەوە بە رێكخەری گشتی، هاوكات یەكێك لە (عەدنان عوسمان و جەلال جەوهەر) دەبنە سكرتێری جڤاتی نیشتمانی كە راستەوخۆ براوەكە دەبێتە ئەندامی خانەی راپەڕاندن، جگەلەوەش (جەمال محەمەد) دەبێتە سەرۆكی جڤاتی گشتی كە راستەوخۆ دەبێتە ئەندامی خانەی راپەڕاندن.

خانەی راپەڕاندن لە حەوت كەس پێكدێت، بەپێی زانیارییەكان پێكهاتەی نوێی ئەو خانەیە بریتی دەبێت لە (عومەری سەید عەلی، جەمال محەمەد، جەلال جەوهەر، عەدنان عوسمان، برزو مەجید، ئاسۆ ڕەحیم، دەرباز محەمەد)، بەوپێیەش پێكهاتەی خانەكە هیچ ژنێكی تێدا نابێت.

 

پ: ک. س

بڵاوكردنه‌وه‌:هـ.ق



created by Avesta Group and powered by Microsoft Azure