هاووڵاتییەكی عێراقی لەسەر پەرداخی شوشە میوزیك دەژەنێت

هەواڵ / که‌لتور :: 7 رۆژ پێش ئێستا‌ :: 146‌ جار بینراوە

دواڕۆژ


سجاد مەحمود خوێندكارێكی عێراقییە لە كۆلێژی پزیشكی  و لەسەر چەندین ئامێر میوزیك دەژەنێت لەوانەی (نای و عود) بەڵام دەربارەی ئەو ژەنینە لەخۆی ڕازی نییە و تەنها حەز دەكات لەسەر پەرداخی شوشە ئەم كارە بكات.


 ئەو گەنجە تەمەن 23 ساڵە حەزێكی زۆری بۆ ئەو جۆرە ژەنینە هەیە كە لەسەر پەرداخی شوشە ئەنجامی دەدات, بڕی جیاوازی ئاو دەكاتە ناو پەرداخەكانەوە و دەیژەنێت و دەنگەكەی هاوشێوەی  قیسارەی شوشەییە.

سەجاد مەحمود دەڵێت: "ئەم خێزانەم زۆر خۆش دەوێت (مەبەستی لەو كۆمەڵە پەرداخەیە  كە پێك دێن لە پەرداخی هارپ و هارمونیكا) و تا ئێستا چەند جارێك هەوڵم داوە و لەهەندێكیان سەركەوتوبووم و لە هەندێكیشیان شكستم هێناوە. ئەم ئالەتانە زۆر سادەن تەنها چەند پەرداخێك و پارچەیەك تەختەیە. 

مەحمود خۆی هەوڵی داوە فێری میوزیك بێت و ساڵێكە ئەم ئالەتە نوێیەی دۆزیوەتەوە و كۆمەڵێك پەرداخی وەك یەكی هەڵیژاردوە و بەكاریان دەهێنێت.

بڕێك ئاو دەكاتە هەریەكە لەو پەرداخانە و  و پەنجەكانی لەقەراغی پەرداخەكان دەدات و میوزیكی جیاجیا دەژەنێت.

 مەحمود دەڵێت: "ئاسان نییە،  چونكە دەبێت پەرداخی گونجاو هەڵبژێریت و دەبێت كریستاڵ بێت و هاوشێوەی یەك بن بۆ ئەوەی دەنگەكە خۆش بێت".

تەكنیكی بەرهەمهێنانی دەنگ لە ڕێگەی كوپ و پەرداخی شوشە دەگەڕێتەوە بۆ سەدەی 12 یەم لە چین.
 
بەكارهێنانی شوشە بۆ ژەنینی میوزیك لە نیوەی سەدەی 18یەم بەناوبانگ بوو كاتێك هارمونیكای شوشەیی داهێنرا.

پ: ک. س



created by Avesta Group and powered by Microsoft Azure