ئەمڕۆ ئەنجومەنی وەزیرانی هەرێم کۆدەبێتەوە

هەواڵ / کوردستانی :: 7 رۆژ پێش ئێستا‌ :: 256‌ جار بینراوە

تاگ :: حکومەت

دواڕۆژ

بڕیارە پێش نیوەڕۆی ئەمڕۆ چوارشەممە 11ی ئەیلول ئەنجومەنی وەزیران کۆبوونەوەی چوارەمی خۆی بۆ گفتوگۆکردن لەسەر پێنج تەوەر و سێ راپۆرتیش کە لەلایەن وەزارەتەکانەوە پێشکەش دەکرێن، ئەنجامبدات.


بەپێی ئەو زانیارییانەی لەناو ئەنجومەنی وەزیرانی هەرێمی کوردستانەوە دەست دواڕۆژ کەوتوون، بڕیارە لەکۆبوونەوەکەدا (پێنج تەوەر گفتوگۆی لەسەر بکرێت کە بریتین لە (پرسی دانان و میکانیزمی گرێبەستی مامۆستایان بۆ ساڵی نوێی خوێندن، ئەنجامی کۆبونەوەی هاوبەشی حکومەتی هەرێمی کوردستان و فراکسیۆنە کوردستانییەکانی پەرلەمانی عێراق، بودجەی ساڵی داهاتووی عێراق و پشکی کورد لەو بودجەیەدا، سەرژمێری کە بڕیارە لە ساڵی 2020 لە عێراق بکرێت و پرسی گەڕانەوەی داهاتی وەزارەتەکان بۆ وەزارەتی دارایی و میکانیزم و چۆنیەتی خەرجکردنی). تاوتوێبکرێن.

هەر بەپێی زانیارییەکان سێ راپۆرت لە کۆبوونەوەکەدا دەخوێندرێنەوە ئەوانیش راپۆرتی وەزارەتی خوێندنی باڵا تایبەت بە خوێندنی ئێواران و کرێی خوێندن و کردنەوەی ماستەر و دکتۆرا و وەرگرتنی خوێندکاران لە زانکۆ و پەیمانگاکان و دەرماڵەی مانگانەی خوێندکاران، هەروەها راپۆرتی وەزارەتی شارەوانی و گەشتوگوزار تایبەت بە چاککردنەی رێگاوبانەکان و بڕی پارەی پێویست و پرسی زەوییەکانی حکومەت کە داگیرکراون، هەروەها راپۆرتێک لەلایەن وەزارەتی سامانە سروشتیەکان تایبەت بە داهاتی نەوت و پیدانی نەوتی سپی بە ماڵان و هەروەها هەناردە و داهاتی نەوت و گەڕاندنەوەی بۆ وەزارەتی دارایی باسیان لێوەبکرێت.

پێداچونەوە: شیروان شەریف



created by Avesta Group and powered by Microsoft Azure