هژیرێن توركى بازاڕێ هژیرێن خومالى كێم كرییه‌

هەواڵ / ئابوری :: پێش 1 هەفتە ‌ :: 129‌ جار بینراوە

دواڕۆژ، بورهان یه‌حیا

ل سنۆرێ پارێزگه‌ها دهۆك وه‌رزێ چنینا هژیرێ ده‌ستپێكرییه‌ و جۆتیاره‌ك ئاماژه‌ى ب هندێ دده‌ت كو ئه‌گه‌ر هژیرێ توركى نه‌هێته‌ ناڤ بازاڕى هژیرێ جۆرێ پله‌ ئێك یێ خومالى دێ شێت ب بهایێ 2500 دیناران بهێته‌ فرۆتن و تاما وێ زۆر خوشه‌.


ئه‌كره‌م ساڕكى به‌رپرسێ قه‌پانێن گومركێن فێقى ل پارێزگه‌ها دهۆك كو ب خۆ جۆتیاره‌ ژى (ئه‌ڤرۆسێشه‌مب 10 ئه‌یلول 2019) بۆ دواڕۆژ دیاركر" هژیرێن دێم و ئاڤى ل پارێزگه‌هێ ب 10 جۆرێن خۆ هه‌نه‌ (كه‌سك، زه‌ر، ره‌ش، كتك، شنگالى، بێنات و ...) و یێن سه‌نته‌رێ باژێڕێ دهۆك ژ هه‌موو ده‌ڤه‌رداریێن دى خۆشتر و ب تامترن و ئه‌گه‌ر رێك بۆ هاتنا هژیرێن توركى نه‌هێته‌دان دێ ب بهایه‌كێ باش هێنه‌ فرۆتن و جۆتیار دشێن مفایه‌كێ باش ژێ بینن، دگه‌ل هندێ ژى هژیرێن توركى تامه‌كا نه‌خۆش هه‌یه‌ و كاریگه‌رى ل سه‌ر ناڤوده‌نگییا به‌رهه‌مێ خومالى ژى كرییه‌".

دیاركر: "ل ده‌ڤه‌ردارییا ئاكرێ هژیرێن ره‌ش زۆرن و ل ئامێدیێ ژى هژیرێن ته‌فشك هه‌نه‌ لێ هژیرێن زه‌ر ل سه‌نته‌رێ باژێڕێ دهۆك دهێنه‌ به‌رهه‌مئینان و بهایێ وان ناڤبه‌را (750 هه‌تا 1250) دینارانه‌ و ئه‌گه‌ر جۆرێ زه‌ر یێ پله‌ ئێك هه‌بیت هه‌تا 2500 دیناران دهێته‌ فرۆتن و پار گه‌هشتبوو ب 3500 دیناران و جۆتیار گه‌له‌ك یێ مفادار بوو".

بڵاوکردنەوە: چ.ع



created by Avesta Group and powered by Microsoft Azure