رۆیتەرز: ئاژانسی وزەی ئەتۆم لە تورقوزئابادی ئێران ئاسەواری یۆرانیۆم دەدۆزێتەوە

هەواڵ / جیهان :: 10/09/2019‌ :: 255‌ جار بینراوە

تاگ :: جیهان

دواڕۆژ، ئازوو محەمەد

ئاژانسی رۆیتەرز لە زاری دوو دیپلۆماتی ئاژانسی نێودەوڵەتی وزەی ئەتۆم، بڵاویكردەوە: لە تاقیكردنەوەكانی ئاژانسەكەدا  لە ناوچەی تورقوزئابادی باشووری تارانی پایتەختی ئێران، ئاسەواری یۆرانیۆم دۆزراوەتەوە.


بەگوێرەی هەواڵەكە، تائێستا ئاژانسەكە سەرقاڵی دۆزینەوەی سەرچاوەی ئەو یۆرانیۆمەیە و داوای لە ئێران-یش كردووە لەسەر ئەو بابەتە روونكردنەوە بدات، بەڵام بەرپرسانی تاران هیچ وەڵام و روونكردنەوەیەكیان نەبووە. "ئەوەیش دەكرێت ببێتە هۆی زیادبوونی گرژی و ئاڵۆزی نێوان ئێران و ئەمریكا".

 تورقوزئاباد ئەو ناوچەیەیە كە ساڵی رابوردوو بنیامین نەتانیاهۆ-ی سەرۆك وەزیرانی ئیسرائیل وتبووی "ئێران ئەنباری ئەتۆمیی لەو ناوچەیەدا شاردووەتەوە" و داوای لە ئاژانسی نێودەوڵەتی وزەی ئەتۆم-یش كردبوو "بۆ لێكۆڵینەوە سەردانی ئەو ناوچەیە بكەن".

تورقوزئاباد گوندێكی بچووك و نەناسراوە، ئێستادا بە ناوی شاری فاتمییە یان بەهاران ناسراوە و دەكەوێتە باشووری تاران-ەوە.

پ: ل. م
بڵاوكردنه‌وه‌ :هـ.ق



created by Avesta Group and powered by Microsoft Azure