شوانێک بە رووداوێکی هاتوچۆ گیانی لەدەستدا

هەواڵ / کوردستان :: 08/09/2019‌ :: 51537‌ جار بینراوە

دواڕۆژ، ئاراس عەزیز

 

ئەمڕۆ 8ی ئەیلولی 2019 بەهۆی رووداوێکی هاتوچۆوە لە سەر رێگەی هەریر و قەندیل شوانێک گیانی لەدەستدا.

 

فازل حاجی، وتەبێژی بەڕێوەبەرایەتی هاتوچۆی هەولێر لە لێدوانێکدا بۆ دواڕۆژ وتی: "شوانێک لەکاتی لەوەڕاندنی مەڕەکانیدا لەسەر رێگەی نێوان هەریر قەندیل لە نزیک گوندی گولەک دەکەوێتە ژێر بارهەڵگرێکەوە و دەستبەجێ گیانی لەدەستداوە".

 

ئاماژەی بەوەشکرد: کاتێک یەکێک لە مەڕەکانی شوانەکە دەچێتە سەر شەقامەکە و بە هۆیەوە شوانەکەش بەپەلە رادەکاتە سەرشەقامەکە و لەو کاتەدا بارهەڵگرێک رۆیشتووە، بۆ ئەوەی لە شوانەکە نەدات برێکی راکێشاوە، بەڵام بەهۆیەوە وەردەگەڕێت و شوانەکە دەکەوێتە ژێر بارهەڵگرەکەوە.

 

راشیگەیاند: جگە لە گیانلەدەستدانی شوانەکە شۆفێرەکەش بە سەختی بریندار بوو و دوای یەک کاتژمێر توانرا رزگار بکرێت و رەوانەی نەخۆشخانە بکرێت.

 

پ: ر.ف

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure