بڕیاره‌كا نوو بۆ فلمه‌ فه‌ستیڤالا دهۆك هاته‌ ده‌ركرن

هەواڵ / که‌لتور :: پێش 1 هەفتە ‌ :: 69‌ جار بینراوە

دواڕۆژ، بورهان یه‌حیا

لژنه‌یا سه‌رپه‌رشتییا هه‌فته‌مین فلمه‌ فه‌ستیڤالا دهۆك یا نێڤده‌وله‌تى بڕیار دایه‌؛ دیتنا فلمان بۆ قوتابى، ئاواره‌ و خێزانێن شه‌هیدان ل پێنج هۆلێن سینه‌مایى بێ به‌رامبه‌ر بیت.


هه‌لكه‌فت ئێدریس به‌رپرسێ راگه‌هاندنا هه‌فته‌مین فلمه‌ فه‌ستیڤالا دهۆك یا نێڤده‌وله‌تى (رۆژا شه‌مبى 7 ئه‌یلول 2019) بۆ دواڕۆژ دیاركر: "پێشتر بڕیار هاتبوودان ب مه‌ره‌ما په‌یداكرنا داهاته‌كێ بۆ برێڤه‌برنا فه‌ستیڤالێ كۆژمه‌یێ 3000 دینار بۆ هه‌ر پلێتا دیتنا هه‌ر فلمه‌كى بهێته‌ وه‌رگرتن لێ نوكه‌ سه‌رپه‌رشتییا فه‌ستیڤالێ بڕیار دایه‌ ئه‌ڤ كۆژمه‌ ژ قوتابى، ئاواره‌ و خێزانێن شه‌هیدان نه‌هێته‌ وه‌رگرتن".

دیاركر: "ئه‌ڤ بڕیاره‌ ب مه‌ره‌ما هاریكاریكرن و وه‌كو رێزگرتنه‌ك بۆ ڤان هه‌ر سێ ته‌خان بوویه‌ و هه‌ر ئێك ژوان ب مه‌ره‌ما چۆنا ناڤ هولێ پێدڤییه‌ به‌لگه‌نامه‌یه‌كا پێدڤى دگه‌ل خۆ هه‌لگرن".

بڕیاره‌ ئه‌وه‌ ل رێكه‌فتى 9 بۆ 16/9/2019 هه‌فته‌مین فلمه‌ فه‌ستیڤالا دهۆك یا نێڤده‌وله‌تى ب به‌شدارییا 112 فلمان ژ سێ پشكێن (فلمێن درێژ، فلمێن كورت، به‌لگه‌ فلم) ده‌ست ب كارێن خۆ بكه‌ت.

پ: چ.ع



created by Avesta Group and powered by Microsoft Azure