ئاگرێكی گەورە لە چیای برادۆست كەوتەوە

هەواڵ / کوردستان :: 06/09/2019‌ :: 235‌ جار بینراوە

دواڕۆژ، ئاكۆ حەمەد رابی

چەند كاتژمێرێكە ئاگرێكی گەورە لە چیای برادۆست كەوتۆتەوە و تائێستا نەتوانراوە کۆنتڕۆڵبکرێت و رووبەرێكی زۆری پوش و پاوانیش سووتاوە.


رائید كاروان میراودەلی، بەرپرسی بەشی هونەری بەرگری شارستانی سۆران بە دواڕۆژی وت: "ماوەی چەند كاتژمێرێكە بەهۆكارێكی نادیار ئاگرێكی گەورە لە چیای برادۆست لەسنووری دەڤەری سۆران كەوتۆتەوە و تائێستاش نەتوانراوە كۆنترۆڵ بكرێت".

ئاماژەی بەوەشدا: "چوار بنكەی تیمی ئاگركوژێنەوە سەرقاڵی كوژاندنەوە و كۆنتڕۆڵكردنی ئاگرەكەن، بەڵام بەهۆی گەورەیی ئاگرەكە و سەختی ناوچەكە نەتوانراوە ئاگرەكە بكوژێنرێتەوە".

بەرپرسی بەشی هونەری بەرگری شارستانی سۆران وتیشی: "رووبەرێكی زۆری پوشوپاوان لە چیاكە سووتاوە و دەسوتێت، بەڵام تائێستا رووبەری سووتاو بەوردی نازانرێت چەندە".

پێداچوونەوە: ئەڤین

ب: ئا.ح



  • ڕۆژ
  • هەفتە
  • مانگ
created by Avesta Group and powered by Microsoft Azure