دهۆك: به‌لێنده‌ر داخوازا ڤه‌كێشانێ ژ پڕۆژه‌یان دكه‌ن

هەواڵ / ئابوری :: 06/09/2019‌ :: 122‌ جار بینراوە

تاگ :: ئابوری

دواڕۆژ، بورهان یه‌یحیا

رێڤه‌به‌رییا گشتییا باژێڕڤانیێن پارێزگه‌ها دهۆك راگه‌هاند؛ نها 25 پرۆژه‌ ل سنۆرێ‌ پارێزگه‌هێ د ئه‌نجامدانێ‌ دانه‌ و به‌لێنده‌ران ژى ژبه‌ر قه‌یرانێ داخوازا ڤه‌كێشانێ ژ 9 پڕۆژه‌یان كرینه‌.

ئه‌ندازیار دیار به‌حری ره‌سول رێڤه‌به‌رێ گشتیێ باژێڕڤانیێن پارێزگه‌ها دهۆك(ئه‌ڤرۆ چارشه‌مب 4 ئه‌یلول 2019) بۆ دواڕۆژ دیاركر" ل سنورێ‌ هه‌ر 47 باژێڕڤانیێن پارێزگه‌ها دهۆك‌ 25 پرۆژه‌ د ئه‌نجامدانێ‌ دانه‌ و 19 پرۆژه‌ ژ ئه‌گه‌رێ‌ قه‌یرانێ‌ هاتینه‌ راگرتن و به‌لێنده‌ران ژى داخوازا ڤه‌كێشانێ ژ 9 پڕۆژه‌یان كرینه‌ و ئه‌گه‌ر بۆ قه‌یرانێ ڤه‌دگه‌ریت".

خویاكر" ل سالا بۆری 173 پرۆژه‌یێن بچووك ل سه‌ر پێشینه‌یێن مه‌هانه‌ یێن باژێڕڤانییان هاتینه‌ ئه‌نجامدان و ب كۆژمه‌یێ‌ 4 ملیار و 408 ملیۆن دیناران و ب رێژه‌یا 53% ژ وان پرۆژه‌یان هاتینه‌ ئه‌نجامدان و یێن دی د كاری دانه‌ و دگه‌ل هندێ 19 پرۆژه‌ ب كۆژمه‌یێ‌ ملیاره‌ك و 115 ملیۆن دیناران ل سه‌ر بودجه‌یا داهاتێ‌ 17% یێ‌ باژێڕڤانییان ل سنۆرێ‌ هه‌ر 47 باژێڕڤانییان هاتینه‌ ئه‌نجامدان".

ئه‌ندازیار دیار به‌حری ره‌سول ئاماژهكر" ل سالا بۆری ئانكو 2018 ل سنۆرێ‌ باژێڕڤانییان 9 پرۆژه‌ ب كۆژمه‌یێ‌ 69 ملیۆن دیناران ژلایێ‌ رێكخراوێن بیانی ڤه‌ هاتینه‌ ئه‌نجامدان".



created by Avesta Group and powered by Microsoft Azure