هۆشدارى لەبارەى جۆرە خواردنێکى مەترسیدار دەدرێت

هەواڵ / عێراق :: پێش 2 هەفتە ‌ :: 5597‌ جار بینراوە

دواڕۆژ

پەرلەمانتارێکى لیژنەى تەندروستى رایدەگەیەنێت: وەزارەتى تەندروستى رێنمایى داوەتە لیژنەکانى بۆ دۆزینەوەى بارێک (چەورى دەستکرد) کە گەیشتووەتە بازاڕەکانى عێراق و بەرپرسێکى حکومیش دەڵێت: ئەو چەورییە کە لە چێشتخانەکاندا بەکاردەهێنرێت مەترسیدارە و هۆکارە بۆ دروستبوونى گرێى شێرپەنجە. 


عەبد عۆن عەبادى، ئەندامى لیژنەى تەندروستى پەرلەمانى عێراق رایگەیاند: بەهۆى لاوازى ئەو رێوشوێنانەى لە خاڵە سنوورییەکاندا دەگیرێتەبەر گۆشتى سوور و سپى خراپبوو و تەنانەت چەورى دەستکرد هاوردە کراوە.

وتیشى: "بازرگانە چاوچنۆکەکان بەرپرسیارێتى بەشى زۆرى هێنانە ناوەوەى گۆشتى خرابپوویان لەئەستۆدایە". ئەوەشى ئاشکراکرد: بەهەمان شێوە "بارێکى مریشکى خراپبوو لەرێى هەرێمى کوردستانەوە گەیەندراوەتە بەغدا و لەئێستادا گەڕان بەدوایدا بەردەوامە".

ئەو پەرلەمانتارە روونیشیکردەوە: بەو هۆیەوە وەزارەتى تەندروستى داواى لە سەرجەم لیژنەکانى پشکنین کردووە ئەو گۆشتە خراپبوو و چەورییە دەستکردانە بدۆزنەوە.

پێشتریش وساڵ عەبدوڵا حسێن، بەرپرس لە سەنتەرى پشکنینى بازاڕ و پاراستنى بەکاربەران هۆشداریدا لە مەترسییەکانى بەکارهێنانى "چەورى دەستکرد" لە چێشتخانەکاندا بەتایبەت ئەوانەى خواردنى برژاو پێشکەش دەکەن و رایگەیاند دەبێتە هۆى "گرێى شێرپەنجە" چونکە لە بنەڕەتدا مادەکە بۆ دروستکردنى سابون و شامپۆ و فازلین بەکاردەهێنرێت.

ئا: شیروان شەریف



  • ڕۆژ
  • هەفتە
  • مانگ
created by Avesta Group and powered by Microsoft Azure