نازنازی دوق و دۆقە ساسكس لە هاری و میگان دەسەنرێتەوە

هەواڵ / جیهان :: 04/09/2019‌ :: 192‌ جار بینراوە

تاگ :: جیهان

دواڕۆژ


رۆژنامەی دەیلی مەیلی بریتانی باس لە لێسەندنەوەی نازناوی دوق و دۆقە ساسكسی لە هاری و هاوسەرەكەی دەكات دوای ئەوەی هەندێك هاووڵاتی داوایەكی فەرمییان پێشكەشی ئەنجومەنی شاری برایتۆن كردووە كە هەمان ناوی هەڵگرتووە.

دانیشتووانی ئەو ناوچەیە ئیمزایان لەسەر نووسراوێك كردووە تێیدا داوای لێسەندنەوەی نازناوی شاهانە دەكەن، چونكە پێیانوایە دانانی نازناوێك بەناوی ناوچەكەیانەوە بێ رەزامەندی ئەوان كارێكی غەیرە ئەخلاقییە.

ئەم نووسراوە لە مانگی رابردوودا نوسراوە و 1700 كەس ئیمزای لەسەر كردووە و ئەنجوومەنی شارەكەش ناچاربووە دانیشتنێكی ئەنجوومەنەكە بۆ تاوتوێی ئەم بابەتە تەرخانبكات.

ئامانجی ئەم نووسراوە بەكارنەهێنانی نازناوە شاهانەییەكانە لەسەر بەڵگەنامە فەرمیەكان بۆ ئەوەی هەڵگری ئەم جۆرە نازناوانە نەبنە خاوەنی ئیمتیاز لەچاو هاووڵاتیە ئاساییەكان.

پ: ک. س

بڵاوکردنەوە: شیروان شەریف



  • ڕۆژ
  • هەفتە
  • مانگ
created by Avesta Group and powered by Microsoft Azure