وه‌لاتیێن زاخۆ پشتبه‌ستێ لسه‌ر خارنا ماسیێن كه‌ركوك دكه‌ن

هەواڵ / ئابوری :: 01/09/2019‌ :: 160‌ جار بینراوە

تاگ :: ئابوری

دواڕۆژ، دهۆك


ژبه‌ر كێمییا به‌رهه‌مێ سامانێن ماسییان ل قه‌زا زاخۆ بازرگانێن زاخۆ ناچارن ماسییان ژ ده‌رڤه‌ى زاخۆ بینن و پترییا بازرگانان ماسیێن كه‌ركوك دكرن.

ئه‌حمه‌د سامى، رێڤه‌به‌رێ چاندنا زاخۆ بۆ دواڕۆژ گۆت: "پرۆژه‌یێن ب خۆدانكرنا ماسییان ل زاخۆ نه‌شێن به‌رهه‌مێ پێدڤى یێ ماسییان بینه‌ بازارى، له‌ورا بازرگانێن زاخۆ بۆ په‌یداكرنا ماسییان به‌رێ خوه‌داینه‌ پرۆژه‌یێن ماسیێن كه‌ركوك".

گۆتژى: "ل سنوورێ قه‌زا زاخۆ بتنێ 7 پرۆژه‌یێن ماسییان هه‌نه‌، به‌رهه‌مێ وان تێرا وه‌لاتیێن زاخۆ ناكه‌ت، له‌ورا ماسى ژ ده‌رڤه‌ى زاخۆ دهێن كرین كو زێده‌تر یێن كه‌ركوك-ن".

لدووڤ زانیاریێن به‌رى نوكه‌ شوكرى عومه‌ر، رێڤه‌به‌رێ سامانێ ماسییان داینه‌ دواڕۆژ "هه‌ر كه‌سه‌كى ل دهۆك سالانه‌ ژ به‌رهه‌مێ سامانێ ماسیێن دهۆك 3 كيلو و نیڤێن ماسییان دگه‌هنێ، دپلانا وان دایه‌ تا سالا 2023 هه‌ر كه‌سه‌كى 10 كیلویێن ماسییان بگه‌هنێ".

پ: ئا.ح



created by Avesta Group and powered by Microsoft Azure

بەپەلە