گەنجێک خنکا

هەواڵ / کوردستان :: 31/08/2019‌ :: 740‌ جار بینراوە

دواڕۆژ، بەختیار شەریف

ئێوارەی (ئەمڕۆ شەممە 31ی ئابی 2019) لە بەنداوی گوندێکی نزیک قەزای چەمچەماڵ کرێکارێکی گەنج خنکا.

هاوڕێ کاوە، هاوڕێی گەنجە خنکاوەکە بەدواڕۆژی راگەیاند: ئێوارەی ئەمڕۆ هاوڕێیەکمان بۆ مەلەکردن و بەسەربردنی کاتێکی خۆش، چووبووە بەنداوی گوندی لەکاوە، بەڵام لەکاتی مەلەکردن خنکاوه‌.

راشیگەیاند: ئەو هاوڕێیەمان ناوی (ئەحمەد قاسم)-ه‌ و تەمەنی 21 ساڵه‌، پیشەی کرێکاری بووه‌.

بەپێی زانیارییەکانی دواڕۆژ، ئەو گەنجە خەڵکی گوندی کانی بناو-ی بناری شاخی بازیانە و دانیشتووی ناحیەی تەکیەی کاکەمەنده‌، دوای کاتژمێرێک لەخنکانی تەرمەکەی لەبەنداوەکە دەرهێنراوه‌ته‌وه‌.

پێداچوونه‌وه‌و بڵاوكردنه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure