پۆلیس لەبارەی ئەم گەنجەوە ئاگادارییەکی بڵاوکردەوە

هەواڵ / کوردستان :: 31/08/2019‌ :: 10270‌ جار بینراوە

دواڕۆژ، محەمەد مستەفا

گەنجێکی دانیشتووی قەڵادزێ لە رۆژى پێنجشەممەوە بێسەروشوێنە و پۆلیسی راپەڕینیش داوا لە هاووڵاتیان دەکات لەکاتی بوونی هەر زانیارییەک لەسەر ئەو گەنجە پەیوەندی بە پۆلیسی راپەڕین-ەوە بکەن.


شۆڕش ئیسماعیل، وتەبێژی پۆلیسی ڕاپەڕین بە دواڕۆژی راگەیاند: گەنجێکی خەڵکی قەڵادزێ بەناوی (سامره‌ند نەجمەدین علی) لە رۆژى پێنجشەممەوە بێسەروشوێنە و تائێستا هیچ سۆراغێکی نیە و کەسوکارەکەشى لە بەشی پۆلیسی پشدەر سکاڵایان تۆمارکردووە.

وتیشی: "گەنجەکە تەمەنی 21 ساڵە و دانیشتووی گەڕەکی ئاشتیە لە قەڵادزێ، بەگوێرەی وتەی کەسوکارەکەی ئەو گەنجە ئێوارەى ئەو رۆژە لە ماڵ چۆتە دەرەوە و نەگەڕاوەتەوە".

باسی لەوەشکرد: داواکارن لە هاووڵاتیان لەکاتی بوونی زانیاری لەسەر ئەو گەنجە پەیوەندی بكەن به‌ بنكه‌ی پۆلیسی فریاكه‌وتنی پشده‌ر به‌ ژماره‌ مۆبایلی (07707978474).

پێداچونەوە: شیروان شەریف



  • ڕۆژ
  • هەفتە
  • مانگ
created by Avesta Group and powered by Microsoft Azure