ئابڕووی ئەو كەسانە دەبرێت كە گێچەڵی سێكسی دەكەن

هەواڵ / زانست :: پێش 3 هەفتە ‌ :: 312‌ جار بینراوە

دواڕۆژ

ئامارەكان لە یابان دەریدەخەن ڕێژەی دەست درێژی  و گێچەڵی سێكسی لە زیادبوندایە و بوونەتە دوو كێشەی ئامرازەكانی گواستنەوەی گشتی بە تایبەت لە میترۆكانی ژێر زەوی.


لەو وڵاتە 70% كچان دەڵێن ڕووبەڕووی گێچەڵ و دەست درێژی سێكسی دەبنەوە  هەرچەندە ئاگاداری  لە وێستگاكاندا بڵاوكراونەتەوە كە گێچەڵ و دەستدرێژی تاوانە و چەند ڕێنمایی تریش هەڵواسراون وەك ئاگاداركدنەوە و تێیدا نوسراوە  سزایی ئەو كارانە 500 هەزار یەنە واتا 4500 دۆلار و 6 مانگیش زیندانی.

ڕۆژنامەی نیوزویك دەڵێت: "هەندێك لە شەمەندەفەرەكان شوێنی تایبەتیان بە ئافرەتان دەست نیشان كردووە،  بەڵام پیاوان لەدژی ئەم كارە بوون و پێیان وابوو كە ئەمە جیاكاریە".
ڕەخنەگران لەو وڵاتە دەڵێن ڕێژەی گێچەڵ و دەست درێژی سێكسی زۆر لەو ڕێژەیە زیاترە بەڵام كچان و ئافرەتان نایانەوێت باسی بكەن لەبەر ئەوەی لە دەوام دوا نەكەون  یاخود لە كاردانەوەی كۆمەڵایەتی دەترسن.

بۆ بنبڕكڕدنی ئەو دیاردەیەش كۆمپانیای شاتشیهاتا  ئامێرێكی بچوكی هاوشێوەی ئامێری مۆر درووستكردووە كە بە تیشكی سەر و وەنەوشەی كاردەكات و درێژیەكەی هێندەی درێژی سوراوێكە و دەتوانێت مۆرێك لەدەستی گێچەڵكارەكە بدەیت كە دواتر لەژێر  ڕووناكی تیشكی وەنەوشەیی دەبینرێت و نرخی ئەم مۆرەش 2500 یەنە واتا 25.5 دۆلارە و لەكاتژمێری یەكەمی خستنە بازاڕی ئەو ئامێرە 500 دانەی لێ فرۆشراوە.

هەرچەندە مرەكەبی ئەو مۆرە بە ئاو لادەچێت، بەڵام دەتوانرێت بە جانتاكەوە هەڵبواسرێت وەك ئاگاداركردنەوەیەك، ئەو كەسەی هەڵیدەگرێت دەتوانێت گیچەڵكارەكە ئاشكرا بكات.

جگە لەم بەرهەمە چارەسەرێكی تری كێشەی گێچڵی هەیە كە بەرنامەی بووەستەیە و وەك ئەپڵیكەیشنێكە و ئاگاداركردنەوە دەدات كەسانی ناو شەمەندەفەرەكە كە كەسێك هەیە گێچەڵ و دەست درێژی دەكات  ئەم ئەپڵیكەیشنە زیاتر لە 237 هەزار جار لە مانگە ئایاری پێشووە دوای دانانی دابەزێندراوە. 

پ: ک. س



created by Avesta Group and powered by Microsoft Azure