به‌شه‌ك ژ زارۆیێن ئێزدى ل توركیانه‌

هەواڵ / کوردستانی :: 26/08/2019‌ :: 149‌ جار بینراوە

دواڕۆژ، بورهان یه‌حیا

رێڤه‌به‌رێ نڤێسینگه‌ها رزگاركرنا ئێزدیێن ده‌ستێ داعش خویاكر" خێزانێن چه‌كدارێن داعش به‌شه‌ك ژ زارۆیێن ئێزدى بڕینه‌ توركیا و هه‌تا نوكه‌ 15 ژوان هاتینه‌ رزگاركرن.

حسین كورۆ رێڤه‌به‌رێ نڤێسینگه‌ها رزگاركرنا ئێزدیێن ده‌ستێ داعش (ئه‌ڤرۆ دووشه‌مب 26 ئاب 2019) بۆ دواڕۆژ دیاركر "ل ده‌مێ پرۆسه‌یا رزگاركرنا مووسل و هێرشا سۆپایێ ئیراقێ بۆ سه‌ر مووسل و ره‌خودۆرێن وێ ب تایبه‌ت قه‌زا ته‌له‌عفه‌ر خێزانێن چه‌كدارێن داعش به‌ره‌ڤ سووریێ و ژ وێرێ به‌ره‌ڤ توركیا ره‌ڤین و ئه‌و زارۆیێن ئێزدى دگه‌ل خۆ ژى بڕن و جاران پشتى وه‌رگرتنا پێزانینان دهێنه‌ رزگاركرن".

خویاكر "هه‌تا نوكه‌ ب پشتبه‌ستن ب پێزانینان 15 زارۆیێن ئێزدى یێن ل وه‌لاتێ توركیا ئاكنجى هاتینه‌ رزگاركرن و گه‌هشتینه‌ ناڤ كه‌سوكارێن خۆ ل شنگال و پرۆسه‌ ژى به‌رده‌وامه‌".

پشتى هاتنا چه‌كدارێن داعش بۆ شنگال پترى 6000 وه‌لاتیێن ئێزدى هاتبوونه‌ ره‌ڤاندن و نیڤا وان هاتینه‌ رزگاركرن و نیڤا دى هێشتا چاره‌نڤیسێ وان دیار نینه‌.

پێداچوونه‌وه‌: ئیحسانی مه‌لا فوئاد

ب: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure