بڕیارا چاپكرنا پرتووكێن ئێزدیاتیێ بۆ سالا نوویا خواندنێ هاته‌دان

هەواڵ / کوردستان :: پێش 3 هەفتە ‌ :: 166‌ جار بینراوە

تاگ :: شەنگال

دواڕۆژ، بورهان یه‌حیا

پشتى دووڤچۆنێن به‌رده‌وام یێن سه‌رپه‌رشتیارێن خواندنێ ئێزدیاتیێ ل قۆناغێن ئاماده‌یى و ناڤنجى و وه‌زاره‌تا په‌روه‌ردێ بڕیار هاتییه‌دان پرتووكێن ئێزدیاتیێ بۆ سالا نوو بهێنه‌ چاپكرن.

شه‌مۆ قاسم، به‌رپرسێ راگه‌هاندن و ره‌وشه‌نبیرییا بنگه‌هێ لالش یێ ره‌وشه‌نبیرى و جڤاكى  بۆ دواڕۆژ دیاركر: "كێشه‌یا سه‌ره‌كییا خواندنا ئێزدیاتیێ بۆ سالا نوو یا خواندنێ ل هه‌ر دوو قۆناغێن ناڤنجى و ئاماده‌یى كێمییا پرتووكێن چاپكرى بوویه‌، ب به‌رده‌وامى سه‌رپه‌رشتێن خواندنا ئێزدیاتییئه‌ڤ گازنده‌ هه‌بووینه‌ و پشتى راوێژكارێ سه‌رۆكێ هه‌رێمێ بۆ كاروبارێن ئێزدیاتیێ ل سه‌ر ڤى بابه‌تى هاتییه‌ ئاگه‌هداركرن بابه‌ت هاتییه‌ چاره‌سه‌ركرن".

گۆتژى: "وه‌زیرێ په‌روه‌ردا حوكمه‌تا هه‌رێمێ ب هه‌ماهه‌نگى دگه‌ل رێڤه‌به‌رییا گشتییا په‌روه‌ردێ و رێڤه‌به‌رییا گشتییا چاپه‌مه‌نییان ل وه‌زاره‌تێ گه‌نگه‌شه‌ ل دۆر بابه‌تى و پێدڤیاتییا چاپكرنا ڤان پرتووكان كرینه‌ و بڕیار هاتییه‌دان ب له‌ز ده‌ست ب چاپكرنا پرتووكێن ئێزدیاتیێ بۆ هه‌موو قۆناغێن خواندنێ بهێته‌كرن".

به‌رپرسێ راگه‌هاندن و ره‌وشه‌نبیرییا بنگه‌هێ لالش یێ ره‌وشه‌نبیرى و جڤاكى ئاماژه‌كر ژى: "ل ده‌مێ چاپكرنا پرتوكان ئێدى چ كێشه‌ نامینن، چونكو مامۆستا و سه‌رپه‌رشتێن پێدڤى بۆ رێكخستن و گۆتنا وانه‌یان هه‌نه‌ و دێ ب شێوه‌یه‌كێ ئاسایى پرۆسه‌ برێڤه‌ چیت".

پ: ئا.ح

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure