باخچەكانی سلێمانی روونكردنەوە لەسەر جۆرە دارێك دەدات

هەواڵ / کوردستان :: 25/08/2019‌ :: 1397‌ جار بینراوە

دواڕۆژ، پشتیوان جەمال

بەڕێوەبەرایەتی باخچەكانی سلێمانی رایدەگەیەنێت: داری سەبەحبەح هیچ كێشەیەكی نییە و بەپێی ئامارەكانیش لە 20 ساڵی رابوردووەوە تائێستا هیچ كەسێك بەهۆی ئەو دارەوە گیانی لەدەست نەداوە.

هاوژین عوسمان، وتەبێژی بەڕێوەبەرایەتی باخچەكانی سلێمانی (ئەمڕۆ 25ی ئابی 2019) بەدواڕۆژی راگەیاند: چەند رۆژێكە چەند كەسانێكی ئامادەكراو بەبەرنامە و بەھاوكاری چەند ماڵپەڕ و پەیجێك لە تۆڕە كۆمەڵایەتییەكان ھەڵمەتێكی ناڕەوا  لەسەر داری (سەبەحبەح) یان ناوە زانستیەكەی (azadirachta indica melia) بڵاوكردووەتەوە، ئێمە چەند جارێك لەسەر ئەم دارە زانیاری گشتیمان بڵاوكردووەتەوە لەسەر سوودە باشەكانی بەتایبەتی لە وەرزی ھاویندا كە بەرگەی كەم ئاوی و پلەی بەرزی گەرما دەگرێت و دەیان سوودی دیكەی لەبواری پزیشكی دەرمانسازی و قەڵاچۆكردنی مێروو هەیە.

وتیشی: "پێمانوایە ئەو كەسانەی لەمیدیا و سۆشیال میدیا چاوپێكەوتنیان بۆ ساز دەكرێت بە ھەندێك فلتەری پسپۆری زانیاریدا تێپەڕ ناكرێت، بۆیە ئێمە بۆچوونی ئەو كەسانە رەتدەكەینەوە كە زیانیان بۆ شاری سلێمانی و دروستكردنی دڵەڕاوكێ ھەیە. بەپێی ئەو داتا و ئامارانەشی پێمانگەیشتووە لە 10 بۆ 25 ساڵی رابوردووەوە تائێستا ھیچ كەسێك بەھۆی ئەم دارەوە گیانی لەدەستنەداوە".

پ: ن.ر

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure