ئاگرێکی بەهێز لە سنوری چەند گوندێكی هەورامان کەوتووەتەوە

هەواڵ / کوردستانی :: 24/08/2019‌ :: 161‌ جار بینراوە

دواڕۆژ، عەلی حەمە سەعید

لە دوای نیوەڕۆی ئەمڕۆوە ئاگرێكی بەهێز لە سنوری چەند گوندێكی ناوچەی هەورامان كەوتووەتەوە و بەهۆیەوە بە سەدان دۆنم پوش و پاوان و زەوی كشتوكاڵی ناوچەكە سوتاون.


زانیار عومەر، وتەبێژی بەڕێوەبەرایەتی بەرگری شارستانی هەڵەبجە بە دواڕۆژی ڕاگەیاند: لە دوای نیوەڕۆی ئەمڕۆوە ئاگرێك سنوری دەشت و پاوانەكانی گوندەكانی خارگێڵان و زەردەهاڵ و دەوروبەری ناوچەكەی گرتووەتەوەو تیمەكانمان لە بنكەی ئاگركوژێنەوەی ناحیەی خورماڵ سەرقاڵی كۆنتڕۆڵكردنی ئاگرەكەن.

ئاماژەی بەوەشكرد: بەهۆی ئەوەی تیمەكانمان سەرقاڵی كۆنتڕۆڵكردنی ئاگرەكەن، تائێستا هۆكاری كەوتنەوەی ئاگرەكەمان بۆ ڕوون نەبووەتەوە، بەڵام بەهۆی ئەوەی ئەو شوێنە نزیكە لە ڕێگای سەرەكییەوە، پێدەچێت بەهۆی كردنەوەی ئاگر لە لایەن گەشتیاران یاخود فڕێدانی پاشماوەی جگەرەوە كەوتبێتەوە.

وتەبێژەكەی بەڕێوەبەرایەتی بەرگری شارستانی هەڵەبجە ئەوەشی خستەڕوو، لەگەڵ ئەوەی ئاگرەكە بەرەو كۆنتڕۆڵكردن دەچێت، بەڵام بەهۆی ئەو ئاگرەوە بە سەدان دۆنم لە پوش و پاوان و زەوی كشتوكاڵی ناوچەكە سوتاون و زیانیان بەركەوتووە، بۆیە داوا لە هاووڵاتیان دەكەین بە وریاییەوە مامەڵە لەگەڵ پاشماوەی ئاگرەكان و جگەرە بكەن، تا ڕووداوی لەم جۆرەی لێنەكەوێتەوە.

پ: ک. س

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure