ئەوقاف هۆشداری ده‌داته‌ مامۆستایانی ئایینی

هەواڵ / کوردستان :: 23/08/2019‌ :: 794‌ جار بینراوە

دواڕۆژ، پشتیوان جەمال

وەزارەتی ئەوقاف و كاروباری ئایینی لەڕێگەی مامۆستایانی ئاینییەوە داوا لەهاووڵاتیان دەكات خۆیان لەبەكارهێنانی زمانی زبر و ناوزڕاندن بەدوور بگرن.


نەبەز ئیسماعیل، وتەبێژی وەزارەتی ئەوقاف و كاروباری ئایینی حكومەتی هەرێمی كوردستان ئەمڕۆ 23ی ئابی 2019 بەدواڕۆژی راگەیاند: لەسەر راسپاردەی لیژنەی دانانی تەوەری وتاری هەینی لەلایەن وەزارەتەوە، ئەمڕۆ یەكێك لەتەوەرەكان كە مامۆستایانی ئایینی لە وتارەكان باسی دەكەن، پاراستنی ئاشتی كۆمەڵگە و خۆبەدوورگرتنە لە زمانی زبر و ناوزڕاندنی یەكدی، ئەم پەیامە بۆ هەموو تاكەكانی كۆمەڵگەیە بۆ ئەوەی خەڵك بەهۆی بەكارهێنانی زمانی زبر تووشی كێشە نەبن.

ئەو داوایەی ئەوقاف لەكاتێكدایە هەفتەی رابوردوو بەهۆی كلیپێكی هونەرمەند ماریا هەورامییەوە كە مەلایه‌ك هێرشی كردە سەری و پێشتریش هه‌ر ئه‌و مەلایه‌ هێرشی كردبووه‌ سەر مەلایه‌كی تر، پاشان مه‌لاكه‌ش لە وتاری هەینیدا بەتوندی وەڵامی دایەوە، دوای چەند رۆژێك لقی سلێمانی یەكێتی زانایان ئەو دوو مەلایەیان ئاشتكردەوە.

پێداچوونه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە