ئەرشیفەکەی تەلەڤزیۆنی کەرکوکی جاران لەمەترسیدایە

هەواڵ / کوردستانی :: 22/08/2019‌ :: 531‌ جار بینراوە

دواڕۆژ، عیماد جەباری

هاشم جەباری میدیاکاری دێرینی کەناڵی کەرکوک بەدواڕۆژی راگەیاند: ئەرشیفەکەی کەناڵی کەرکوکی جاران لەبەردەم مەترسیدایە، چونکە تۆڕی میدیایی عێراق بەردەوام هەوڵدەدات بیگوازێتەوە بۆ بەغدا، لەڕابوردوودا چەند جارێک رێگریمان کردووە لەبردنی، بەڵام ئێستا هیچمان پێناکرێت ئەگەر بڕیاری گواستنەوەی بدرێت.


وتیشی: "ئەرشیفە کوردی و تورکمانییەکەم جیاکردووەتەوە کە ٤١٧ کاسێتی رەش و سپی و ١٥٨ کاسێتی رەنگاوڕەنگن کە بە ئامێری تایبەت کاردەکات لەجۆری (ڤیدیۆ تو ئینج) کە ئێستا نەماوە، بەڵام دەتوانرێت داوا بکرێت لە کۆمپانیای سیمنس یاخود ئاس ئەی کاسێتەکان بگۆڕدرێت.

هاشم جەباری راشیگەیاند "مێژوویەکی زۆرە ئەو ئەرشیفەی کۆکردووەتەوە و لە فەوتان پاراستوونی، چەند جارێکیش رێگریکردووە بگوازرێتەوە بۆ بەغدا و داوای کردووە ببرێتە شارەکانی هەرێم و لەناو بینای کەناڵی کەرکوک دەربهێنرێت بۆئەوەی لەژێر دەسەڵاتی تۆڕی میدیایی عێراقدا نەبێت، بەڵام بێ سوود بووە و بەڵێنی زۆری پێدراوە و نەبراوەتە سەر.

 

پ: ک. س

بڵاوکردنەوە: شیروان شەریف



created by Avesta Group and powered by Microsoft Azure