ئێران سیستمێكی نوێی بەرگریی ئاشكراكرد

هەواڵ / جیهان :: 22/08/2019‌ :: 128‌ جار بینراوە

تاگ :: جیهان

دواڕۆژ

ئەمڕۆ (پێنجشەممە 22ی ئابی 2019)، بە ئامادەبوونی حەسەن رۆحانی سەرۆك كۆمار، لە رێوڕەسمێكدا وەزارەتی بەرگریی ئێران پەردەی لەسەر سیستمی مووشەكیی (پاوەر 373) لابرد كە جۆرە مووشەكێكی تازەی بەرگریی ئاسمانیی ئێرانییە.


رۆحانی لە وتەیەكدا سوپاس و ستایشی خۆی ئاراستەی وەزیری بەرگری و شارەزایانی پیشەسازیی سەربازی و هەموو ئەو تەكنیككارانە كرد كە رۆڵیان هەبووە لە دروستكردنی ئەم سیستمە تازەیەی بەرگریی ئاسمانیی وڵاتەكەیاندا.

 بەرپرسە ئێرانییەكان دەڵێن: "سیستمی مووشەكیی (پاوەر 373) توانای بەرەنگاربوونەوەی چەندین ئامانجی هەیە وەك: فڕۆكەی شەبەح و فڕۆكەی بێفڕۆكەوان و مووشەكی كروز و مووشەكی بالیستی و مووشەكی دژەڕادار و كۆپتەر و فڕۆكەی جەنگە ئەلیكترۆنییەكان".

بەگوتەی سەرچاوە سەربازییەكان"ئەم سیستمە، كە لە جۆری (راوكەر 4)ە، لە دووریی200 كیلۆمەتر و لە بەرزیی 27 كیلۆمەترەوە ئامانجەكانی دەپێكێت و توانای دۆزینەوە و ئاشكراكردنی 300 ئامانجی لە یەككات و لە دووریی زیاتر لە 300 كیلۆمەترەوە هەیە. هاوكات دەتوانێت رێگریی لە 60 ئامانج لە دووریی 260 كیلۆمەترەوە بكات و رووبەڕووی شەش ئامانج لە دووریی 200 كیلۆمەتر ببێتەوە". 

ئا: ل. م
بڵاوکردنەوە: ئیحسانی مەلا فوئاد



created by Avesta Group and powered by Microsoft Azure