ل دهۆكێ ئاوارەیێن شنگال خۆپیشاندانه‌ك ئه‌نجامدا

هەواڵ / کوردستان :: 21/08/2019‌ :: 125‌ جار بینراوە

دواڕۆژ، ره‌ڤه‌ند گوهه‌رزى

ئه‌ڤرۆ ئاوارەیێن شنگالێ یێن ئاکنجیێن سنۆرێ پارێزگەها دهۆکێ خوەپیشاندانەک ل بەرامبەر ئاڤاهیێ نەتەوەیێن ئێکگرتی ئه‌نجامدا، چالاكڤانه‌كێ ئێزدى ژى دبێژیت "داخواز ژ نەتەوەیێن ئێکگرتی و حکوومەتا هەرێمێ هاته‌كرن گڤاشتنان ل حکوومەتا ئیراقێ بکەن داکو مافێن وان پێ بهێنەدان".


به‌ختیار قادر، چالاكڤانێ ئێزدى (ئه‌ڤرۆ چوارشه‌مب 21 ئابا 2019) بۆ دواڕۆژ راگه‌هاند: ئه‌ڤرۆ ژمارەکا ئاوارەیێن شنگال و دەڤەرێن دی یێن سەر ب پارێزگەها نەینەوا ڤە ب نوونەراتیا ئاکنجیێن چواردە کەمپێن ئاوارەیان ل سنۆرێ پارێزگەها دهۆکێ خوپێشاندانه‌ك ئه‌نجامدا.

گۆتژى: "خوەپیشاندانا ئاواره‌یان ل بەرامبەر ئاڤاهیێ نەتەوەیێن ئێکگرتی هاته‌ ئه‌نجامدان و داخوازكرن گڤاشتن ل حکوومەتا عێراقێ بهێنه‌کرن داكو ژمافێ خوه‌یێ ده‌نگدانێ بێبه‌هر نه‌بن".

وى چالاكڤانێ ئێزدى دیاركر ژى: "دوێ خوپێشاندانێدا هاته‌ راگه‌هاندن كو حکوومەتا عێراقێ پتری پێنجی هه‌زار دەنگێن ئاوارەیان یێن هەلبژارتنێن 12ى گولانا 2018 هەلوەشاندن، دانانا بنگەهـ و سندۆقێن دەنگدانێ بۆ هەلبژارتنێن ساڵا بهێت یێن جڤاتێن پارێزگەهان قەدەغە کریە كو ئاوارە ژسەرەکیترین مافێن خوە بێبەهر بووینە".

به‌خیتار راگه‌هاند: "داخواز ژ نەتەوەیێن ئێکگرتی و حکوومەتا هەرێما کوردستانێ هاته‌كرن، گڤاشتنان ل حکوومەتا ئیراقێ بکەن داکو مافێن وان پێ بهێنەدان".

 

ب: ک. س



created by Avesta Group and powered by Microsoft Azure