دهۆك: رۆژانه‌ 40 ته‌نێن هناری دچنه‌ ناڤ بازاڕی دا

هەواڵ / ئابوری :: پێش 4 هەفتە ‌ :: 190‌ جار بینراوە

دواڕۆژ، بورهان یه‌حیا


به‌رپرسێ قه‌پانێن پارێزگه‌ها دهۆك راگه‌هاند؛ رۆژانه‌ ل گومركێن دهۆك نێزیكی 40 ته‌نێن هنارا خومالی دچنه‌ ناڤ بازاڕی و گرانترین بها بۆ ئێك كیلۆ 700 دینارن
.

ئه‌كره‌م ساركی به‌رپرسێ قه‌پانێن پارێزگه‌ها دهۆك (ئه‌ڤرۆ سێشه‌مب 20 ئاب 2019) بۆ دواڕۆژ دیاركر" ژبه‌ر بلندبوونا پله‌یێن گه‌رمێ ل پارێزگه‌ها دهۆك ئه‌ڤ ساله‌ زووتر هنار گه‌هشتینه‌ و بهایێ وێ ژی دناڤبه‌را (300-500-700) دینارانه‌ و رۆژانه‌ ل گومركێن سێجێ نێزیكی 40 ته‌نان دهینه‌ فرۆتن و دكه‌ڤنه‌ ناڤ بازاڕی دا".

دیاركر" جۆتیارێن پارێزگه‌ها دهۆك گه‌له‌ك كێم ده‌رمانی بۆ ره‌شاندنا هناران بكاردئینن له‌وا گه‌له‌ك ژبه‌رهه‌مێ وان كرم دكه‌ڤیتێ و د په‌قیت یان دڕزیت له‌وا پێدڤییه‌ ده‌رمانان ب شێوه‌یه‌كێ زانستی بكاربینن داكو جۆراتییا فێقی یا باش بیت".

ئه‌كره‌م ساركی خویاكر" به‌رهه‌مێ ناڤخۆ یێ هناری ل پارێزگه‌ها تێرا بازاڕێ مه‌ دكه‌ت لێ ب مه‌رجه‌كی بۆ مووسل نه‌چیت چونكو ئه‌گه‌ر چۆ وێرێ ئێدی تێرا ناكه‌ت و ب گۆره‌ی پێزانینان رۆژانه‌ نێزیكی 40 ته‌نێن هناری ژ گومركا فێقی ل دهۆك بۆ ناڤ بازاڕی دچن".

به‌رپرسێ قه‌پانێن پارێزگه‌ها دهۆك راگه‌هاند" د نها دا به‌رهه‌مێ هناری ژ گومركان ناهێته‌ ناڤ هه‌رێمێ چونكو یێ ناڤخۆ تێرا مه‌ دكه‌ت لێ ب شێوه‌یه‌كێ گشتی پێدڤییه‌ ئه‌و پاره‌یێ گومركا بۆ سه‌ر به‌هه‌رمێ بیانی هاتییه‌ دانان بهێته‌ راگرن و ب ئێكجاری رێك بۆ به‌رهه‌مێ ده‌رڤه‌ نه‌هێته‌ دان بهێته‌ ناڤ هه‌رێمێ ب تایبه‌ت ل وی ده‌مێ به‌رهه‌مێ ناڤخۆ دگه‌هیت".

 بڵاوكردنه‌وه‌:هـ.ق



created by Avesta Group and powered by Microsoft Azure