هونەرمەندێکی ناسراوی کورد کۆچی دوایی کرد

هەواڵ / کوردستان :: 19/08/2019‌ :: 16461‌ جار بینراوە

دواڕۆژ، عیماد جەباری

سەرلەبەیانی ئەمڕۆ دووشەممە 19ی ئاب هونەرمەندی مەقامبێژی شاری کەرکووک میقداد محەمەد لەتەمەنی 78ساڵیدا کۆچی دوایی کرد.

نورەدین جاف، بەرپرسی ناوەندی مەقاماتی عەلی مەردان بەدواڕۆژی راگەیاند "میقداد مامۆستا و مەقامبێژێکی گەورە و خەزینەیەکی دەوڵەمەندی هونەری کورد بووە بەداخەوە بەهۆی جەڵتەوە گیانی لەدەستدا".

وتیشی: "مامۆستا میقداد ژیانی تەرخانکردبوو بۆ خزمەتکردنی مەقامات و دەیان مەقامبێژی پێگەیاندووە".

ئاماژەی بۆ ئەوەشکرد، تەرمەکەی لەگۆڕستانی شێخ محێدین لەگەڕەکی ئیسکان بەخاک دەسپێردرێت و پرسەکەشی لەتەکیەی تاڵەبانی دەبێت.

میقداد محەمەد عومەر لەساڵی 1941 لەکەرکوک لەدایکبووە، خێزاندار بووە، هاوڕێی هونەرمەندان عەلی مەردان و حسێن عەلی، دامەزرێنەری ناوەندی عەلی مەردان بووە بۆ مەقامات، تاوەکو ئەم تەمەنەی ئێستای بەردەوام لەتەکێی تاڵەبانی وانەی مەقاماتی بەخوێندکارەکانی وتۆتەوە.

پێداچونەوە:ئەڤین

بڵاوکردنەوە: ئارام غەفور



created by Avesta Group and powered by Microsoft Azure