چیرۆكى ئەو منداڵە موسڵیەی دایکی نازانێت تەمەنی چەندە؟!

هەواڵ / عێراق :: 20/08/2019‌ :: 2042‌ جار بینراوە

دواڕۆژ

رۆژنامەی سەندەی تایمز راپۆرتێكی لەسەر كەمپی خازر لە باكووری عێراق لەژێر ناونیشانی "مناڵە سەرسوڕهێنەرەكەی موسڵ ڕووبەڕووی شەڕێكی تر دەبێتە بۆ مانەوەی" بڵاوكردۆتەوە، کە باس لە چیرۆکی منداڵێک دەکات کە باوکی چەکداری داعش بووە و لە شەڕی رزگارکردنی موسڵدا کوژراوە.


لویز كالیگان،ی پەیامنێر دەڵێت: لەناو چادرگەیەگی شین و لە گەرمایەكی پڕوكێنەردا مناڵێكی بچوك دانیشتووە و خوشكەكانی لەنزیكیەوە یاریان دەكرد، ئەو منداڵە ناوی سلێمانە و مانەوەی لە ژیاندا هەتا ئێستا شتێكی سەرسوڕهێنەرە.

لویز دەڵێت: دوو ساڵ لەمەوبەر و لە شەڕی رزگاركردنی موسڵ لە داعش تەمەنی سلێمان چەند مانگێك بووە و توشی بەدخۆراكیەکی مەترسیداربوه‌وە و لەشی وەك لەشی ژنێكى به‌ته‌مه‌ن وابوو ئەوەندە لاواز ببو، بەڵام دوای ئەوەی پزیشكێك بەناوی موهەند ئەكرەم ژیانی لە مەترسی مردن رزگار كرد، دواتر گوازرایەوە بۆ كەمپی خازر كە دەكەوێتە دووری 25 میل لە شاری موسڵەوە.

موهەنەد ئەو پزیشكەی سلێمان-ی چارەسەركرد بۆ رۆژنامەکە باسی لەوەکردووە: باری تەندروستی سلێمان زۆر خراپ بوو نەك لەبەرئەوەی تەنها توشی بەدخۆراكی ببوو، بەڵكو دایكیشی كە توشی شۆك ببوو گرنگی پێنەدەدا و خواردنی پێنەئەدا، بەڵام ئێستا كێشی سلێمان ئاساییە، لەگەڵ ئەوەشدا ژیانی پڕە لە نەهامەتی.

دایكی منداڵەکە دەڵێت: نازانم تەمەنی چەندە و ناشزانم كەی چارەسەركراوە و ئەو دەرمانانەش نازانم كە پێیدراوە و لەو ماوەیەدا فەرمانبەرێكی رێكخراوەكان گرنگی بە سلێمان داوە و خواردنی پێداوە.

تائێستا هیچ زانیارییه‌ك لەسەر باوكی سلێمان نییە، تەنها ئەوە نەبێت كە دایكی دەڵێت: "باوكی چەكدارێكی داعش بووە و لە شەڕی ڕزگاركردنی موسڵ كوژراوە" . 

پێداچونەوە: ئەڤین
بڵاوكردنه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure