کەسێک بە دەستڕێژی گوللـە كوژرا

هەواڵ / کوردستان :: 18/08/2019‌ :: 1871‌ جار بینراوە

دواڕۆژ، بەختیار شەریف


ئەمشەو یەکشەممە 18ی ئاب لەناحیەی شۆڕش بەهۆی دەستڕێژی گوللـەوە کوڕێکی گەنج بووە قوربانی، جێگری بەڕێوەبەری ته‌ندروستى چه‌مچه‌ماڵیش ده‌ڵێت: "به‌ مردوويى گه‌یه‌نرایه‌ نه‌خۆشخانه‌كه‌مان".


بەپێی زانیارییەکانی دواڕۆژ، کەمێک لەمەوبەر ماتۆڕسکیلێک دەستڕێژی گوللـەی لە بەنزینخانەی (شۆڕش) لەناحیەکە کردووە، بەوهۆیەوە کوڕێکی هەرزەکار بەناوی (ز.ک.ع) بەرکەوتووەو گیانی لەدەستداوە. 

لەوبارەیەوە ئەیوب حەمەغەریب، جێگری بەڕێوەبەری تەندروستی چەمچەماڵ بە دواڕۆژی راگەیاند: ئەو گەنجەی کوژراوە تەمەنی 16 ساڵەو دانیشتووی ناحیەی شۆڕشە و بە مردوویی گەیەندراوەتە نەخۆشخانە، دوای گرتنەبەری رێوشوێنە یاسایی و کارگێرییەکان، تەرمەکەی رەوانەی پزیشکی دادوەری سلێمانی دەکرێت".

پ: ئا.ح

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure