دهۆك: به‌ره‌ڤانییا باژێڕی ئامارێن جه‌ژنێ راگه‌هاندن

هەواڵ / کوردستان :: 18/08/2019‌ :: 136‌ جار بینراوە

دواڕۆژ، بورهان یه‌حیا


رێڤه‌به‌رییا به‌ره‌ڤانییا باژێڕی ل پارێزگه‌ها دهۆك راگه‌هاند؛ ل رۆژانێن جه‌ژنا قوربانێ 61 روودانێن جودا هه‌بووینه‌ و ژ ده‌ستپێكا سالێ و هه‌تا ئه‌ڤرۆ كۆژمه‌یێ 4 ملیار و 500 ملیۆن دینار زیان گه‌هشتییه‌ وه‌لاتییان.


بێوار عه‌بدولعه‌زیز به‌رپرسێ راگه‌هاندنا رێڤه‌به‌رییا به‌ره‌ڤانییا باژێڕی ل پارێزگه‌ها دهۆك (ئه‌ڤرۆ ئێكشه‌مب 18 ئاب 2019) بۆ دواڕۆژ دیاركر" ل رۆژانێن جه‌ژنێ ل سنۆرێ پارێزگه‌هێ 61 روودانێن جودا هه‌بووینه‌ كو 54 ژوان یێن سۆتنا پیش و په‌له‌خی بووینه‌ و دگه‌ل هندێ ژی 2 كه‌س د ئاڤێ دا خه‌ندقینه‌ و 3 كه‌س ژی هاتینه‌ قورتالكرن". 

ناڤبۆری دیاركر" ل ده‌ستپێكا ئه‌ڤ ساله‌ هه‌تا ئه‌ڤرۆ 1830 روودانێن جوراوجۆر ل پارێزگه‌هێ په‌یدا بووینه‌ كو تێدا 13 كه‌سان ب ئه‌گه‌رێ سۆتنێ گیانێ خۆ ژده‌ست دابوو و 27 كه‌س ژی هه‌ر ژبه‌ر سۆتنێ بریندار بوون".

ئاماژه‌كر" ل مه‌هێن بۆری 2000 دۆنه‌مێن گه‌نمی و جه‌هی سۆتینه‌ و 22 كه‌س د ئاڤێ دا خه‌ندقینه‌ و 15 كه‌س ژی هاتینه‌ قورتالكرن و 53 كه‌س ژی د ئاڤاهی و ترومبێلان دا هاتینه‌ قورتالكرن".

بێوار عه‌بدولعه‌زیز راگه‌هاند" كۆژمه‌یێ 4 ملیار و 500 ملیۆن دینار زیانێن دراڤی گه‌هشتینه‌ وه‌لاتییان".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە