بڕیاره‌ك سه‌باره‌ت هه‌فته‌مین فلمه‌فه‌ستیڤالا دهۆك هاته‌دان

هەواڵ / که‌لتور :: پێش 4 هەفتە ‌ :: 190‌ جار بینراوە

دواڕۆژ، بورهان یه‌حیا

سه‌رپه‌رشتێن هه‌فته‌مین فلمه‌ فه‌ستیڤالا دهۆك یا نێڤده‌وله‌تى بڕیار داینه‌ كو فلمێ (كامیۆن) ژ ده‌رهێنانا كامبۆزیا پارتووى ببیته‌ فلمێ ڤه‌كرنا فه‌ستیڤالێ.

د راگه‌هاندنه‌كا سه‌رپه‌رشتیارییا هه‌فته‌مین فلمه‌ فه‌ستیڤالا دهۆك یا نێڤده‌وله‌تى هاتییه‌: "سالانه‌ لژنه‌‌یه‌كا تایبه‌ت كار بۆ ده‌ستنیشانكرنا فلمه‌كێ ژ هه‌ژى بۆ ڤه‌كرنا فلمه‌ فه‌ستڤیالێ دكه‌ن و بۆ ئه‌ڤ ساله‌ فلمێ كوردى یێ رۆژهه‌لاتا كوردستانێ ب ناڤێ (كامیۆن) هاتییه‌ هه‌لبژارتن و دێ بیته‌ ئێكه‌م فلمێ فه‌ستیڤالێ كو بهێته‌ نیشاندان".

زێده‌تر هاتییه‌: "ده‌رهێنه‌ر كامبۆزیا پارتووى ژ سینه‌ماكارێن به‌رنیاس و بسپۆر یێ وه‌لاتێ ئیرانێ یه‌ و و پێشتر خه‌لاتێ یۆنیسێف (ماسى) ب ده‌ستخۆڤه‌ ئینایه‌ و بۆ فلمێ خۆ یێ ب ناڤێ (په‌رده‌یا دائێخستى) به‌ربژێرێ خه‌لاتێ (هرچێ زێرى) بوویه‌ و ل فه‌ستیڤالا فه‌جر ل سالا 2019ێ ب باشترین سیناریۆ هاتییه‌ هه‌لبژارتن".

فلمێ كامیۆن ل سالا 2018ێ هاتییه‌ به‌رهه‌مئینان و پێشتر ئه‌ڤ ده‌رهێنه‌ره‌ دگه‌ل ده‌رهێنه‌رێن دى یێن بناڤوده‌نگێن ئیرانێ وه‌كو جه‌عفه‌ر په‌ناهى و مه‌جید مه‌جیدى هه‌ڤكارى هه‌بوویه‌ و چه‌ندین به‌رهه‌م پێكڤه‌ پێشكێش كرینه‌.

پ: چ.ع



created by Avesta Group and powered by Microsoft Azure