نێزیكى 12 هزار ئاژه‌لان ل دهۆك بوونه‌ قۆربانى

هەواڵ / کوردستان :: 17/08/2019‌ :: 106‌ جار بینراوە

دواڕۆژ، دهۆك

لدووڤ ئامارێن فێتێرنه‌رییا دهۆك، چوار رۆژێن جه‌ژنا قۆربانى ل ئه‌ڤ ساله‌، نێزیكى 12 هزار ئاژه‌لان بوونه‌ قۆربانى.


د. مێهڤان ئه‌حمه‌د، رێڤه‌به‌رێ فێتێرنه‌رییا دهۆك بۆ دواڕۆژ گۆت:"چوار رۆژێن جه‌ژنێ، ل هه‌موو سنوورێ پارێزگه‌ها دهۆك، 10900 په‌ز و بزن و 1062 گولك و چێل هاتینه‌ سه‌رژێكرن".

ناڤبۆرى دازانین: "ئاژه‌لێن هاتینه‌ سه‌رژێكرن  پتریا وان به‌رهه‌مێ ناڤخوه‌ بوون، ژماره‌كا دى ب تایبه‌تى چێل و گۆلك ژ وه‌لاتێن سوریا، هنگارییا، به‌رازیل،  گه‌هشتبوون دهۆك".

رێڤه‌به‌رێ فێتێرنه‌رییا دهۆك خوه‌یاكر: "ڤێ جه‌ژنێ  رێڤه‌به‌رییا وان شییا لیژنه‌یه‌كێ بۆ دیاركرنا قۆربانییان پێك بینیت و ئه‌ڤ لیژنه‌ شییا ب باشترین ره‌نگ ئاماران كۆمبكه‌ت".

د.مێهڤان ئه‌حمه‌د ئینازمان: "سال لدووڤ سالێ ره‌وشه‌نبیریا وه‌لاتیێن دهۆك بۆ قۆربانیدانا ئاژه‌لان باشتر لێدهێت، له‌ورا ئه‌ڤ ساله،‌ چو ئاریشه‌یێن ساخله‌میێ و ئاریشه‌یێن دى بۆ رێڤه‌به‌ریا فێتێرنه‌ریا دهۆك چێنه‌بوون".

به‌رهه‌مێ ناڤخوه‌ یێ گۆشتێ سور ل دهۆك دشێت نیڤه‌ك ژپێدڤیێن وه‌لاتییان دابین بكه‌ت، بۆ تژیكرنا داخوازییا وه‌لاتییان، گه‌له‌ك ژ بازرگانان ئاژه‌لان ژ وه‌لاتێن دى دكرن.
  
پێداچوونه‌وه‌و بڵاوكردنه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە