سالار عابد محمد: ب رێکا مەساج و ئوتێلان ل دھۆک بازرگانی ب مروڤان دھێتەکرن

هەواڵ / چاوپێکەوتن :: 18/08/2019‌ :: 907‌ جار بینراوە

تاگ :: دهۆك

دواڕۆژ، رەڤەند گوھەرزی

ل سەر بازرگانیکرن ب مروڤان و ئەندامێن لەشێ وان ل سنورێ پارێزگەھا دھۆکێ ٤٥ دوز ھاتینە تومارکرن، مقەدم سالار عابد محمد، رێڤەبەرێ نڤیسینگەھا دھۆک یا بەرھنگاربوونا بازرگانیکرن ب مروڤان و ئەندامێن لەشێ مروڤی دچافپێکەفتنەکا دواڕۆژدا دبێژیت "ب رێکا مەساج و ئوتێلان ل دھۆکێ بازرگانی ب مروڤان دھێتە کرن بۆ مەرەمێن سکسی و کارێن نەرەوا".

دواڕۆژ: ئەو یاسایێن نڤیسینگەھا بەرھنگاربوونا بارزرگانیکرن ب مروڤان کار پێ دکەن چنە؟

مقەدم سالار: ئەو یاسا یاسایا ژمارە ( ٢٨ )یە یاسالا ( ٢٠١٢ ) ێ یە ئەڤ یاسایە یا بازرگانیکرن ب مروڤ و ئەندامێن لەشێ مروڤییە، یاسایا یا ژمارە ( ١ ) یا سالا ( ٢٠١٨ ) ێ یە ئەڤە ھەردووک قانونێن عیراقێ نە بەس پەرلەمانێ کوردستانێ تەسدیقا یال سەر کری ھندەک گوھرین یێل ل سەر کرین" .

دواڕۆژ: مەرەم ژ بازرگانیکرن ب مروڤان چیە ؟ 
مقەدم سالار: مەرەما سەرەکی ژ بازرگانیکرن ب مروڤان مەرەمێن دارایی و دەستکەفتێن ماددی نە، ئەڤێن بازرگانیێ ب مروڤان دکەن بو نموونە دێ بێژی ئەو زاروکێن دھێنە بکارئینان بو خازخازوکیێ ل ڤان ترافیکا زانیاری گەھشتینە مە کو دایک و بابێن وان زاروکان زاروکێن خو ددەنەف ھندەکان ب ئیجارێ روژ ب ١٥ ھەزار تا ٢٠ ھەزار دینارا دێبەن بەلاف کەن ل ڤان ترافیکا  مە ژی دێ دیفچون بو ھەبیت دگەل رێڤەبەریا ھاتن و چوونا دھوکێ ئاخفتیە کو ھاریکاربن دگەل مە، بازرگانیکرن ب کەسێن بیانی ئەڤ کەسێن دھێنە ھەرێمێ ئەڤێن خولام لبەر کومپانیا و پارێزەر دبنە کەفیلێن وان ".

دواڕۆژ: رێکێن بازرگانیکرن ب مروڤان چنە ؟ 
مقەدم سالار: رێک ئەوێن مە نوکە بەحسکرین ل مەساج و ئۆتێلێن مە یێن دھوکێ بکاردئینن بو مەرەمێن سکسی کارێن نەرەوا، خازخازوکیا مە ئاماژە پێکری تو شولەکێ ب زوری ب کابرایەکێ بدەیەکرن تو گەفان لێ بکەی ئەگەر وەنەکەت دێ ھوکەتەھە دێ ھوسا ب سەری ئینیت ژترسادا وی شولی بکەت یان ژی کو دبێژنێ "الامل القسری" ئەڤ چەندە ژی دھێتە بکارئینان دەمێ بارێ ئابووری لاوازبیت دناڤ جڤاکی دا و کرێیا کرێکارا گەلەک یا کێمبیت دەلیڤێن کاری د کێمبن یان ژی کەسەک بھێتە حەواندن و ڤەگوھاستن زوری لێبھێتەکرن بھێتە ئەشکەنجەدان یان فێلبازی و تەشقەلەک لێبھێتەکرن بو فروتنا ئەندامێن لەشێ وی ئەڤە ژی مە یا ھەی" .

دواڕۆژ: ئەو رێکێن مروڤان ل دەرڤەی کوردستانێ دئینن وەکو کرێکارێن کچ و کور ئەو رێک چنە و چاوا دئینن ؟
مقەدم سالار: برێکێن کومپانیا و وەزارەتێ کودەک بۆ پارێزەرا یێ ڤەکری کو دشێت ببیتە کەفیل برێکا وی کودی ".

دواڕۆژ: ژبلی ڤان رێکان نەشێن چ رێکێن دی مروڤان بیننە کوردستانێ ؟
مقەدم سالار: نەخێر نەشێن ".

دواڕۆژ: چ جورە سکالا ل نڤیسینگەھا ھەوە دھێنە تومارکرن و ھوین شیاینە حەتا نوکە چەندا برێڤە ببەن ؟
مقەدم سالار: حەتا نوکە ئەم یێ شیای نزیکێ ( ٤٥ ) دوزێن جۆراوجۆر  توماربکەین، ھندەک ئەون ئەوێن دناڤ مالاندا ھاتین سکالا یا تومارکری و ھندەک یێن ھۆتێلا تەعدایا لێھاتیەکرن و چێنابیت، بۆ نموونە جەواز (پاسپۆرت)ێن وان نەب رێکێن فەرمی بھێنە راگرتن ب واستەی ھندێ کو بھێنە ئێشاندن یان ژی تەحرش پێ بھێتەکرن مە یێن ھەین نێزیکی (٧) دوز  یێن ئەندامێ لەشێ مروڤان گەھشتینە دەھان ژی ئەوێن کلیا مە (٧) دوز ھەنە ل سەر وان پارێزەران ئەوێن نەشیاین بو مە چارەنڤیسێ وان کەسان دیاربکەن ئەوێن کو داخلکرین بوینە کەفیلێن وان" .

دواڕۆژ: کرین و فروتنا ئەندامێن لەشێ مروڤان دبیتە تاوان ؟
مقەدم سالار: ل دیڤ یاسایێ ئەوا مە ئاماژە پێکری ( ٢٨ ) ێ ل سالا ( ٢٠١٢ ) ێ دبیتە تاوان" .

دواڕۆژ: رێکاریێن یاسایی چنە بەرامبەر وان کەسان ؟ 
مقەدم سالار: رێکارێن یاسایی ئەون دڤێت تە مشتەکی ھەبیتن ئەو کەسێ گەف لێ بھێنەکرن دڤێت سکالایێ تومار بکەت دا ئەم بشێین رەوانەی دادگەھێ بکەین لدیڤ یاسایێ دێ ھێنە سزادان" .

دواڕۆژ: ھوین شیاینە چەند کەسا بدەنە دادگەھێ ئەوێن بازرگانی ب مروڤان کری ل سنورێ دھوکێ ؟
مقەدم سالار: ل سنورێ دھوکێ مە ( ٤٥ ) دوزێن جۆراوجۆر ھەنە و ئەم شیاینە نزیکێ ( ١٥ ) نەفەران ژی بدەینە دادگەھێ و مە ھۆبا دیفچونێ و ڤەکولینێ یاھەی یا گرێداییە دگەل دادگەھێ و دادوەری".

دواڕۆژ: چاوا شیایینە کونترول و دیفچونێ ل سەر وان کەسان بکەن ئەوێن دەرڤەی ھەرێمێ دھێنە کوردستانێ تایبەت سنورێ دھوکێ ؟
مقەدم سالار: مە لیژنەیەک یا ھەی ئەم ژ سێ کەسان پێکدھێین سەروکێ لژنێ ئەفسەرێ نڤیسینگەھێ یە و رائیدەک ژی یێ ھەی کو ئەندامە دگەل ئەو کیتابا بو مە دھێت ژ وەزارەتێ ھەمی تشت یێن تێدا دیارکرین ئەو دەمێ ئەو کەسێ بیانی ھات یان داخلبوی کا دەمژمێر چەند داخلبویە کی بوویە کەفیل ژمارا جەوازا وی و ناڤێ وی یێ سیانی و ھەمی تشت تێدا دیارن، دڤێت یێ ئامادەبیت ئەو کومپانیە یان ئەو پارێزەرە مە نسخەکا رەنگاورەنگ یا جەوازێ ھەبیت ئەگەر یێ ئامادە بیت ل کوردستانێ دڤێت ئیقامە ھەبیت و ئیقاما وی ژی دەمێ وێ بسەرڤە نەچووبیت، ئەگەر دەرکەفتبیت ژ ھەرێما کوردستانێ دڤێت بو مە خروجێ بینیت ژ فرینگەھا  یان ژ دەروازێن مەیێن سنوری کو حاجی عمران و ئیبراھیم خلیل و پێشابیرێ یە، ئەگەر نەشیا چارەنڤیسێ ئێک نەفەری ژی دیاربکەت ھنگی ئەم دێ رەوانەی دادگەھێ کەین و حاکم ب ڤێ چەندێ رادبیت" .

دواڕۆژ: حالەت ھەبووینە ل دھوکێ زاروک ھاتبنە بکارئینان بۆ کومکرنا پارەی؟
مقەدم سالار: ل دھوکێ مە ئێک حالەت ھەبوویە ئافرەتەکا کورد یا خەلکێ زاخۆ بو برێکا ئاسایشێ ھاتبوو گرتن و ھاتبوو رەوانەکرن ئەو دوزە، کورێ خو ل دیف زانیاریان تەمەنێ وی چوار رۆژ بوون ب ( ٧ ) ملیون دیناران فڕۆتن دەمێ ھاتیە گرتی ژی "متلبس" گرت بوو  پارە دگەلدابوو وی دا کورێ خو فڕۆشیت".

دواڕۆژ: مەبەست ئەو بوو ل سەر جادە و ل ترافیکا زاروک و دھێنە بکارئینان بۆ خازوکیێ حالەت ل رێڤەبەریا ھەوە ھاتینە تومارکرن ؟
مقەدم سالار: ئەڤ بابەتێن خازوکیێ نە ھاتینە تومارکرن، ھندەک زانیاریێن گەھشتینە مە ھندەک کەس یێت ھەین بڤی کاری رادبن و ھەر ڤان زاروکان ئیجار دکەن ژ دایک و بابا لڤێرێ دایک و باب ژی دبنە تاوانبار روژێ دبیت ( ١٥ ) بو ( ٢٠ ) ھەزارا دێ زاروکێ خو تەسلیمی وی کەت ئەو دێ ل ترافیکا بەلاف کەت، ئینشالا دیفچونەک یا ھەی".

دواڕۆژ: ئەو حالەتە ل دھۆکێ ھەنە؟
مقەدم سالار: ھێشتا مە چ دۆز تومار نەکرینە ل نڤیسینگەھا خو بەس دیفچوون یا بەردەوامە" .

پ: ک. س

بڵاوكردنه‌وه‌: ئیحسانی مه‌لا فوئاد



created by Avesta Group and powered by Microsoft Azure