دهۆك: 206 جهێن گه‌شتیاری پێشوازی ل گه‌شتیاران دكه‌ن

هەواڵ / کوردستان :: 15/08/2019‌ :: 223‌ جار بینراوە

دواڕۆژ، بورهان یه‌حیا

رێڤه‌به‌رییا گشتییا گه‌شتوگوزارێ ل پارێزگه‌ها دهۆك راگه‌هاند؛ ل سنۆرێ پارێزگه‌هێ 206 جهێن گه‌شتیاری هه‌نه‌ كو د شیانێن وان دانه‌ رۆژانه‌ 17000 گه‌شتیاران بحه‌وینن.

شه‌مال هرۆری به‌رپرسێ راگه‌هاندنا رێڤه‌به‌رییا گشتییا گه‌شتوگوزارێ ل پارێزگه‌ها دهۆك بۆ دواڕۆژ دیاركر" ل سنۆرێ پارێزگه‌هێ 206 جهێن گه‌شتیاری و 130 جهێن ڤه‌حه‌واندنێ هه‌نه‌ و دشیانێن وان دانه‌ رۆژانه‌ 17000 گه‌شتیاران ب حه‌وینن و دگه‌ل هندێ زێده‌تری 100 خارنگه‌هێن گه‌شتیاری ژی هه‌نه‌".

دیاركر" ل سنۆرێ پارێزگه‌هێ 75 كۆمپانی و نڤیسینگه‌هـ و بریكارێن گه‌شتیاری هه‌نه‌ و 800 بنگه‌هێن گه‌شتیاری مۆله‌تا فه‌رمی ل رێڤه‌به‌ریێ هه‌نه‌ و ب رێژه‌یا 30% هاتنا گه‌شتیاران بۆ پارێزگه‌هێ به‌راورد دگه‌ل سالا بۆری زێده‌تر لێ هاتییه‌".

شه‌مال هرۆری ئاماژه‌كر" ب گۆره‌ی داتایان پتری 70% ژ گه‌شتیارێن پارێزگه‌ها دهۆك ژ ناڤه‌راست و ژۆرییا ئیراقێ هاتینه‌".

عه‌بدولره‌زاق نهێلی گه‌شتیارناس بۆ دواڕۆژ خویاكر" ب گۆره‌ی داتایان ل رۆژانێن جه‌ژنێ دێ 60 هزار گه‌شتیار ل پارێزگه‌ها دهۆك بن و ئه‌گه‌ر هه‌ر ئێك ژ وان 300 دۆلاران ب مه‌زێخیت ب ڤی ره‌نگی دێ 18 ملیۆن دۆلار وه‌كو داهات بۆ پارێزگه‌ها دهۆك هێته‌ بده‌ستڤه‌ئینان".

ده‌سته‌یا گشتییا گه‌شتوگوزارێ ژی راگه‌هاندییه‌ كو پێشبینییا وان بۆ رۆژانێن جه‌ژنێ ل هه‌موو پارێزگه‌هێن هه‌رێمێ ئه‌وه‌ كو نێزیكی 300 هزار گه‌شتیار قه‌ست بكه‌نێ.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە