دماوێ‌ دوو هه‌یڤاندا 400 هه‌زار گه‌شتیاران سه‌ردانا ئامێدیێ كریه‌

هەواڵ / ئابوری :: 14/08/2019‌ :: 90‌ جار بینراوە

دواڕۆژ، ره‌ڤه‌ند گوهه‌رزی

گه‌شت و گۆزارا قه‌زا ئامێدیێ را‌گه‌هاند ل‌ سێ رۆژێن جه‌ژنا قوربانی زێده‌تر‌ ژ 19 هه‌زار گه‌شتیاران سه‌ردانا جهێن گه‌شتیاریێن سنورێ قه‌زا ئامێدیێ كریه‌ و دماوێ‌ دوو هه‌یڤێن ده‌ربازبووییدا 400 هه‌زار گه‌شتیاران سه‌ردانا ئامێدیێ كریه‌.


حەمید محەمەد سالح، جێگیرێ رێڤه‌به‌رێ گه‌شت و گۆزارا‌ قه‌زای ئامێدیێ بۆ‌ دواڕۆژ راگه‌هاند:" ل ڤێ دوماهیێ ‌دا كه‌رتێ گه‌شتیاری ل‌ سنورێ قه‌زا ئامێدیێ پێشڤه‌چوویه‌ و  نزیكێ 60 كومپانی ل‌ باشوور و ناڤه‌راستا عێراقێ و ناوچه‌یێن دی گه‌شتیاران دئیننه‌ پارێزگه‌ها دهۆكێ و قه‌زا ئامێدیێ".

ل دور ئامارێن هاتنا گه‌شتیاران ل رۆژانێن جه‌ژن حه‌مید گۆت:" ل‌ سێ رۆژێن جه‌ژنا قوربانی زێده‌تر‌ ژ 19 هه‌زار گه‌شتیاران سه‌ردانا جهێن گه‌شتیاریێن سنورێ قه‌زا ئامێدیێ كریه‌ و ئه‌م پێشبینی دكه‌ین تا دوماهیا ڤێ هه‌فتیێ زێده‌تر 60 هه‌زار گه‌شتیار سه‌ردانا ناوچه‌یێن مه‌یێن گه‌شتیاری بكه‌ن". 

ئاماژه‌دا كو ئه‌گه‌ر به‌راوردێ د‌گه‌ل ساڵا ده‌ربازبووری بكه‌ین رێژای هاتنا گه‌شتیاران بۆ قه‌زا ئامێدیێ دهه‌یڤێن حوزه‌یران و ته‌مۆزا ئه‌ڤ ساڵه‌دا ب ‌رێژا 30% زێده‌بووینه‌‌ ".

ل گور گۆتنا حه‌مید:" دماوێ دوو هه‌یڤێن ده‌ربازبووییدا 400 هه‌زار گه‌شتیاران سه‌ردانا هاڤینگه‌هێن ڤین و سیلاڤ و گه‌لیێ شێرانه كریه‌ و ژوانژی 66 هه‌زار گه‌شتیاران‌ سه‌ردانا هاڤینگه‌ها سیلاڤێ كریه‌‌ و شه‌ش هه‌زار و 146 گه‌شتیار ژی بۆ حه‌واندن و نڤستنێ ل سیلاڤێ مایینه‌".

پ: ک. س



created by Avesta Group and powered by Microsoft Azure