رۆحانی: ناوچەی کەنداو پێوستی بە هێزی بیانی نییە

هەواڵ / جیهان :: 14/08/2019‌ :: 191‌ جار بینراوە

دواڕۆژ

حەسەن رۆحانی رایگەیاند: ناوچەی کەنداو پێوستی بە هێزی بیانی نییە و ئەمریکا بۆیە لە ناوچەکەیە بۆ ئەوەی سامانی سنوورەکە ببات.

حەسەن رۆحانی سەرۆک کۆماری ئێران باسی ئەوەشی کرد: ئامادەن بۆ بونیادنانی پەیوەندییەکی دۆستانە و برایانە لەگەڵ وڵاتانی ئیسلامیی ناوچەکە بە تایبەت سنووری کەنداو.

رۆحانی وتیشی: "بانگەشەی ئەمریکا بۆ هاوپەیمانێتییەکی ئاویی لە کەنداو تەنیا قسەن و هیچ بنەمایەکی پراکتیکی نیە و سوودی بۆ ناوچەکە نییە".

 

ئاماژەی بۆ ئەوەش کرد: وڵاتانی ناوچەی کەنداو دەتوانن ئاسایشی خۆیان بپارێزن و پێوستییان بە هیچ هێزێکی بیانی نییە.

ئا: ک. س





created by Avesta Group and powered by Microsoft Azure