بە نارنجۆک هێرشکرایە سەر ماڵی بەرپرسی پێشووی شارەوانی قەڵادزێ

هەواڵ / کوردستان :: 14/08/2019‌ :: 450‌ جار بینراوە

دواڕۆژ، محەمەد مستەفا

شەوی سێشەممە 13ی ئاب، لە قەڵادزێ بە نارنجۆک هێرشکرایە سەر ماڵی بەرپرسی پێشووی شارەوانی قەڵادزێ.


شۆڕش ئیسماعیل وتەبێژی پۆلیسی راپەڕین بە دواڕۆژی راگەیاند: شەوی سێشەممە لە قەڵادزێ، لە لایەن کەسێکی نەناسراو بە نارنجۆکی دەستی هێرشکراوەتە سەر ماڵی (هێمن ئیبراهیم) سەرۆکی شارەوانی پێشووی قەڵادزێ، هێرشەکە زیانی گیانی نەبووە، تەنیا کەمێک زیانی ماددی بەر خانووی ناوبراو کەوتووە.

وتیشی: "دوای رووداوەکە هێزەکانی پۆلیسی فریاکەوتنی پشدەر و پۆلیسی قەڵادزێ گەیشتونەتە شوێنی رووداوەکە و لێکۆڵینەوەی وورد لە رووداوەکە دەستی پێکردووە بۆ دۆزینەوەی ئەنجامدەری ئەو هێرشە".

 

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure