شوونوارناسه‌كێ كورد ل به‌غدا هاته‌ خه‌لاتكرن

هەواڵ / که‌لتور :: پێش 1 هەفتە ‌ :: 128‌ جار بینراوە

دواڕۆژ، بورهان یه‌حیا

پشتی بسپۆره‌كێ شوونوارێن هه‌رێما كوردستانێ چه‌ندین ڤه‌كۆلین ل دۆر مێژوویا كه‌ڤن و شارستانیه‌تێن ل كوردستانێ هه‌ین ل به‌غدا پێشكێش كرین ژلایێ وه‌زاره‌تا ره‌وه‌شنبیری و لاوان ل ئیراقێ هاته‌ خه‌لاتكرن.


د. حه‌سه‌ن ئه‌حمه‌د بسپۆرێ شوونواران و رێڤه‌به‌رێ شوونواران ل پارێزگه‌ها دهۆك بۆ دواڕۆژ دیاركر" ل سه‌ر داخوازا وه‌زاره‌تا ره‌وشه‌نبیری و لاوان ل ئیراقێ چه‌ندین ڤه‌كۆلینێن شوونواری یێن هه‌رێما كوردستانێ  و ب تایبه‌ت شوونوارێن پارێزگه‌ها دهۆك بۆ كه‌سانێن بسپۆر ل به‌غدا پێشكێش كرن بۆ نموونه‌ ده‌وله‌تا میتانی و سۆمه‌ری، زه‌ره‌ده‌شتی و شوونوارێن شندۆخا و پێزانیێن زانستی یێن هوور ل سه‌ر مێژوویا وان و هه‌موو ئه‌و كه‌رسته‌یێن ل وان جهان هاتینه‌ دیتن بۆ به‌رهه‌ڤبوویان هاتنه‌ گۆتن".

دیاركر" ڤێت ب به‌رده‌وامی كه‌سان و وه‌لاتێن بیانی ل سه‌ر دیرۆكا كوردستانێ و هه‌موو ئه‌و شارستانیه‌ت و ده‌وله‌تێن كه‌ڤنار كو لێ ژیاینه‌ بهێنه ‌ئاگه‌هداركرن بۆ هندێ راستییا دیرۆكا كوردان و ره‌سانه‌تییا وان بۆ هه‌موویان دیار ببیت و چ گومان نه‌مینن". 

ئه‌ڤ ساله‌ رێڤه‌به‌رییا شوونوارێن پارێزگه‌ها دهۆك ب هه‌ڤكاری دگه‌ل بسپۆرێن زانكۆیێن ئه‌لمانی چه‌ندین هه‌ڵكۆلین و ڤه‌كۆلین ل سه‌ر شوونوارێن پارێزگه‌ها دهۆك ئه‌نجام داینه‌ و شارستانییه‌تێن زۆر كه‌ڤنار دیتینه‌ و راگه‌هاندینه‌.

پ: ک. س





  • ڕۆژ
  • هەفتە
  • مانگ
created by Avesta Group and powered by Microsoft Azure