سێ كچێن ئێزدی ژ ده‌ست داعش هاتنه‌ رزگاركرن

هەواڵ / کوردستان :: پێش 1 هەفتە ‌ :: 117‌ جار بینراوە

دواڕۆژ، بورهان یه‌حیا

رێڤه‌به‌رییا نڤێسینگه‌ها رزگاركرنا ره‌ڤاندیێن ده‌ستێ داعش راگه‌هاند؛ سێ كچێن ئێزدی یێن خه‌لكێ شنگال ژ ده‌ست داعش ل وه‌لاتێ سووریا هاتنه‌ رزگاركرن.

حسێن قائیدی رێڤه‌به‌رێ نڤێسینگه‌ها رزگاركرنا ره‌ڤاندیێن ده‌ستێ داعش (13 ئاب 2019) بۆ دواڕۆژ دیاركر: سێ كچێن ئێزدی ب ناڤێن (أ ،ب، خ 2000 - ا ، د ، ب 2003 – دگه‌ل و ع، ع- 2001) كو پێشتر دگه‌ل خێزانێن خۆ ل گوندێ كوچۆ ل 15/8/2014 هاتبوونه‌ ره‌ڤاندن و بۆ سووریا هاتبوونه‌ ڤه‌گوهاستن رزگاربوون".

دیاركر" ل رۆژانێن بهێت ئه‌و سێ كچ دێ بۆ هه‌رێما كوردستانێ هێنه‌ ڤه‌گوهاستن  و گه‌هنه‌ كه‌سوكارێن خۆ و ل جهه‌كێ ئێمن ژیانێ به‌نه‌ سه‌ری".

حسین قائیدی خویاكر" ڤێ دووماهیێ پرۆسه‌یا رزگاركرنا كچێن ئێزدی ل سووریا ب زه‌حمه‌ت كه‌ڤتییه‌ لێ دێ ل سه‌ر ڤی كاری به‌رده‌وام بین هه‌تا كو هه‌موو بهێنه‌ ئازادكرن".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure