پارە دۆزراوەکەی کەلار گەڕێندرایەوە بۆ خاوەنەکەی

هەواڵ / کوردستان :: 14/08/2019‌ :: 520‌ جار بینراوە

دواڕۆژ، سیروان حەسەن

لە کەلار هاووڵاتیەک بڕێکی زۆر  پارە دەدۆزێتەوە و لە ڕێگەی پۆلیسەوە گەڕێندرایەوە بۆخاوەنەکەی.

عەلی جەمال قەدوری وتەبێژی پۆلیسی گەرمیان بەدواڕۆژی ڕاگەیاند: چەند ڕۆژێک لەمەوبەی هاوڵاتیەک لەناحییەی ڕزگاری سەر بەقەزای کەلار بڕێک دراوی ئەمریکی بەبڕی پێنج هەزار و شەش سەد دۆلار و 270 هەزار دراوی عێراقی دۆزیەوە.

وتیشی: "دوای ئەوەی ئەو هاوڵاتییە پارەکەی ڕادەستی پۆلیسی ناحییەی ڕزگاری کرد بەمەبەستی گەڕاندنەوەی بۆ خاوەنەکەی و  پارەکە لەبەشی ئەماناتی پۆلیس هەڵگیرا.

ئەوەشی خستەڕوو: سێ شەمە 13ی ئابی 2019 لەلایەن ئەفسەری بنکەی پۆلیسی ڕزگارییەوە دوای لێکۆڵینەوە و دڵنیابوونەوە ڕادەستی خاوەنەکەی کرایەوە.

 

پ: ک. س



created by Avesta Group and powered by Microsoft Azure